कंधार : प्रतिनिधी
लोहा कंधार मतदार संघात शिवसेना मजबूत करण्यासाठी कंधार शहराची नवीन कार्यकारणी आज जाहीर करण्यात आली. शेतकरी परिषदेचे नेते शंकर अण्णा धोंडगे यांच्या मार्गदर्शनाखाली आणि वरिष्ठ नेत्यांच्या मान्यतेने ही नियुक्ती करण्यात आली आहे. या निवडीत कंधार शिवसेना शहरप्रमुख पदी अब्दुल रहिम खान तर सचिवपदी गौस मैनोदिन यांची निवड. यांची निवड करण्यात आली असल्याने शहरात शिवसेनेची ताकत वाढत आहे.
शंकर अण्णा धोंडगे यांच्यावर शेतकरी परिषद राज्य अध्यक्षाची जबाबदारी दिल्यानंतर शिवसेना युवा नेते तथा खासदार श्रीकांत शिंदे यांनी लोहा कंधार मतदार संघातील जुनी कार्यकारणी बरखास्त केली होती. नवीन कार्यकारणी निवडीचे सर्व अधिकारी हे शंकर अण्णा धोंडगे यांना दिले होते. या अगोदरच लोहा कंधार तालुक्यातील कार्यकारणी जाहीर केली होती. आज दिनांक 21ऑगस्ट रोजी शंकर अण्णा धोंडगे यांच्या संपर्क कार्यालयात कंधार शहरातील कार्यकारणी जाहीर केली यावेळी नवनियुक्त पदाधिकाऱ्यांचे अभिनंदन करताना शेतकरी परिषदेचे राज्य अध्यक्ष शंकर अण्णा धोंडगे व तालुकाप्रमुख ज्ञानेश्वर तिडके यांनी केले.
नवीन कार्यकारणीला मार्गदर्शन करताना शंकर अण्णा धोंडगे म्हणाले की,कंधार शहरात अनेक लोकप्रतिनिधी होऊन गेले परंतु कंधार शहराचा ज्या पद्धतीने विकास व्हायला पाहिजे त्या पद्धतीने झाला नाही. येणाऱ्या काळात राज्याचे उपमुख्यमंत्री एकनाथराव शिंदे यांच्या माध्यमातून कंधार शहराचा कशा पद्धतीने विकास करता येईल याकडे आपण सर्वांनी लक्ष घालून शहराच्या विकासाकडे लक्ष देण्यात येईल. शिवसैनिकाचे व पदाधिकाऱ्याचे कोणतेही काम असले तर त्यांचे काम प्रमुखाने सोडण्याचे काम केल्या जाईल. एकनाथराव शिंदे हे सामान्य कार्यकर्त्यांचे नेते असल्याने ते काम करण्यासाठी सक्षम आहेत त्यांच्या या कार्यामुळेच
महाराष्ट्रासह आपल्या लोहा कंधार मतदार संघातील शिवसेना अधिक मजबूत होत आहे.कंधार शहरात शिवसेना अधिक मजबूत करण्याची जबाबदारी आता नवीन कार्यकारणीवर आहे. शेतकरी, युवा आणि सर्वसामान्यांच्या प्रश्नांसाठी आम्ही काम करवे असे आव्हान शंकर अण्णा धोंडगे यांनी शिवसैनिकांना केले यावेळी सर्व पदाधिकाऱ्यांचा सत्कार करून त्यांना भावी कार्यासाठी शुभेच्छा दिल्या.यावेळी शिवसेना कंधार तालुका प्रमुख ज्ञानोबा तिडके, उपतालुकाप्रमुख संतोष कांगणे,अल्पसंख्यांक तालुका अध्यक्ष शेख हब्बुबाई, उपतालुकाप्रमुख अच्चुतराव मेटकर,हे उपस्थित होते.
शहर कार्यकारणीची निवड
अब्दुल रहीम खान कंधार शहर प्रमुख, सचिन पाटील जाधव कंधार उपशहर प्रमुख, गौस मैनुद्दीन शेख सचिव, गुलाम जमीर कंधार उपशहरप्रमुख, मोहम्मद नदीम सहसचिव, शेख आवेस तर नारायण मेकलवाड यांची शेतकरी परिषदेच्या कंधार उपाध्यक्षपदी या वेळी निवड झाल्याचे घोषित करण्यात आले
About the Author
