कंधार : प्रतिनिधी
कंधार तालुक्यातील पानशेवडी येथील भूमिपुत्र गणेश जळबा पाटील मोरे यांची महाराष्ट्र लोकसेवा आयोगामार्फत दुय्यम निबंधक वर्ग-२ या पदावर निवड झाली आहे. त्यांच्या या उल्लेखनीय यशाबद्दल गावकऱ्यांकडून व विविध मान्यवरांकडून अभिनंदन करण्यात येत आहे.
या यशाबद्दल गणेश मोरे यांचा सत्कार करून त्यांच्या भावी प्रशासकीय कार्यासाठी शुभेच्छा देण्यात आल्या. यावेळी कंधार तालुका काँग्रेस कमिटीचे अध्यक्ष संजय भोसीकर, पत्रकार मारोती चिंलपिपरे आणि त्रिभुवन मोरे यांची उपस्थिती होती.
गणेश मोरे यांनी मिळविलेल्या या यशामुळे पानशेवडी गावासह कंधार तालुक्याच्या शैक्षणिक व सामाजिक क्षेत्रात आनंदाचे वातावरण निर्माण झाले आहे. त्यांच्या मेहनतीचे आणि जिद्दीचे हे यश तरुणांसाठी प्रेरणादायी ठरत आहे. त्यांच्या पुढील प्रशासकीय कारकिर्दीसाठी उपस्थित मान्यवरांनी मनःपूर्वक शुभेच्छा दिल्या.
About the Author
