कंधार │( दिगांबर वाघमारे )
कठीण परिस्थितीतून झुंज देत शेतकऱ्याच्या मुलाने राज्यसेवा परीक्षेत यश संपादन करून कंधार तालुक्याचे नाव उज्ज्वल केले आहे. कंधार येथील जाधव हॉस्पिटलचे संस्थापक डॉ. भगवान जाधव यांचे पुतणे शंकर माधवराव जाधव यांनी नुकत्याच जाहीर झालेल्या राज्यसेवा मुख्य परीक्षा 2024 मध्ये गट-अ मध्ये विशेष प्रावीण्य मिळवत यश मिळविले आहे.
दि. ३० ऑक्टोबर 2025 रोजी राज्यसेवा परीक्षेचा निकाल जाहीर झाला. शंकर यांचे वडील हे व्यवसायाने शेतकरी असून, अत्यंत मर्यादित साधनसंपत्तीमध्ये शिक्षण घेत त्यांनी हे यश संपादन केले आहे. डॉ. भगवान जाधव यांनी त्यांना वेळोवेळी प्रेरणा व मार्गदर्शन दिले.
या यशानंतर संपूर्ण परिसरात आनंदाचे वातावरण असून, नातेवाईक, मित्रपरिवार, तसेच विविध सामाजिक व शैक्षणिक क्षेत्रातून शंकर माधवराव जाधव यांच्यावर अभिनंदनाचा वर्षाव होत आहे.
“कष्ट, चिकाटी आणि सातत्याने प्रयत्न केल्यास यश अटळ असते,”
असे मत स्थानिक नागरिकांनी व्यक्त केले.
About the Author
