कंधार दि. ७ (ता.प्र.)
नांदेड जिल्हा परिषदेचे माजी सभापती तथा राष्ट्रवादी काँग्रेस पक्षाचे प्रदेश सरचिटणीस प्रवीण पाटील चिखलीकर यांचा वाढदिवस मंगळवार दि.४ ऑगस्ट रोजी सायंकाळी ७.३० वाजता आमदार प्रतापराव पाटील चिखलीकर यांच्या कंधार येथील जनसंपर्क कार्यालयात मोठ्या उत्साहात आणि जल्लोषात साजरा करण्यात आला.
प्रवीण पाटील चिखलीकर यांचे जनसंपर्क कार्यालयात आगमन होताच राष्ट्रवादी काँग्रेसच्या पदाधिकारी,कार्यकर्ते,नगरसेवक,सामाजिक- शैक्षणिक अशा विविध क्षेत्रातील मान्यवरांसह चाहत्यांनी फटाक्यांची आतषबाजी करून त्यांचे जंगी स्वागत केले.त्यानंतर केक कापून पुष्पहार घालून त्यांना आरोग्यदायी दीर्घायुष्याच्या शुभेच्छा दिल्या.यावेळी कृउबा समितीचे माजी संचालक राजकुमार केकाटे आणि राष्ट्रवादी महिला आघाडीच्या शहराध्यक्षा सौ.आम्रपाली केकाटे यांनी प्रवीण पाटील चिखलीकर यांना शाल व खारीक-खोबऱ्याचा हार घालून अभिष्टचिंतन केले.या अभिष्टचिंतन सोहळ्याला खरेदी-विक्री संघ कंधारचे सभापती किशनराव डफडे,मधुकर पाटील डांगे,नगरसेवक प्रकाश उर्फ पिंटू कदम,चेतनभाऊ केंद्रे,ग्रामविकास अधिकारी संघटनेचे माजी तालुकाध्यक्ष गंगाधर कांबळे,मा.न.पा.पाणी पुरवठा सभापती सतिश कांबळे,माजी नगरसेवक सुनील कांबळे,आसिफ शेख,निलेश गौर,राजहंस शहापुरे,साईनाथ केकाटे यांच्यासह पक्षाचे पदाधिकारी,कार्यकर्ते आणि नागरिक मोठ्या संख्येने उपस्थित होते.कार्यक्रमात उपस्थित मान्यवरांनी प्रवीण पाटील चिखलीकर यांच्या सामाजिक कार्याचा गौरव केला.वाढदिवसानिमित्त जनसंपर्क कार्यालयात मिठाईचे वाटप करण्यात आले.संपूर्ण परिसर “प्रवीण भाऊ चिखलीकर आगे बढो” च्या घोषणांनी दुमदुमून गेला होता.
About the Author
