कंधार, प्रतिनिधी :
देशाचे पंतप्रधान नरेंद्र मोदी यांच्या वाढदिवसानिमित्त भारतीय जनता पार्टीच्या वतीने राबविण्यात येत असलेल्या ‘सेवा संकल्प अभियान’ अंतर्गत कंधार येथील रवींद्रनाथ टागोर प्राथमिक शाळा कंधार येथे ‘स्वप्नातील भारत’ या विषयावर चित्रकला व भाषण स्पर्धेचे आयोजन करण्यात आले.
या स्पर्धेचे उद्घाटन भारतीय जनता पार्टीचे प्रदेश उपाध्यक्ष संजयभाऊ कौडगे यांच्या हस्ते करण्यात आले. यावेळी विद्यार्थ्यांनी उत्स्फूर्त सहभाग नोंदवत ‘स्वप्नातील भारत’ या विषयावर आपले विचार भाषणातून मांडले. तसेच चित्रकला स्पर्धेत विद्यार्थ्यांनी आपल्या कल्पनाशक्तीचा वापर करून भारताच्या उज्ज्वल भविष्याची विविध चित्रे साकारली.
उत्कृष्ट चित्रे साकार करणाऱ्या विद्यार्थ्यांचे उपस्थित मान्यवरांनी कौतुक केले. विद्यार्थ्यांमध्ये देशप्रेम, सर्जनशीलता आणि सामाजिक जाणीव निर्माण करण्याच्या दृष्टीने अशा उपक्रमांचे महत्त्व असल्याचे यावेळी उपस्थितांनी सांगितले.
कार्यक्रमास कंधार उत्तर मंडळ अध्यक्ष तथा माजी सभापती बालाजीराव पांडागळे, कंधार दक्षिण मंडळ अध्यक्ष अॅड. विजय धोंडगे, जिल्हा चिटणीस शरदभाऊ मुंडे, ओबीसी मोर्चा जिल्हाध्यक्ष उत्तम चव्हाण, कंधार शहर मंडळ अध्यक्ष गंगाप्रसाद यन्नावार, माजी पंचायत समिती सदस्य सत्यनारायण मानसपुरे, दत्ताभाऊ कारामुंगे, दत्तात्रय पेटकर, बालाजीराव बोंबले, रमेश लुंगारे, राम निलावाड, प्रवीण बनसोडे, गणेश ठाकूर, योगेंद्रसिंग ठाकूर, अॅड. सागर डोंगरजकर, शुभम संगणवार, शिवराज पेटकर यांच्यासह रवींद्रनाथ टागोर प्राथमिक शाळेतील शिक्षकवृंद उपस्थित होते.
कार्यक्रमाच्या शेवटी संजयभाऊ कौडगे यांच्या हस्ते विद्यार्थ्यांना शैक्षणिक साहित्याचे वाटप करण्यात आले. या उपक्रमामुळे विद्यार्थ्यांमध्ये मोठा उत्साह निर्माण झाला असून, उपस्थित पालक व शिक्षकांनी उपक्रमाचे कौतुक केले.
About the Author
