कंधार :
गणेशोत्सवानिमित्त कंधार शहर व तालुक्यातील गणेश मंडळांसाठी यंदा गणेश मंडळ देखावा स्पर्धेचे आयोजन करण्यात आले आहे. या स्पर्धेत विविध सामाजिक, ऐतिहासिक व राष्ट्रनिर्माणाच्या विषयांवर देखावे सादर करण्याची संधी गणेश मंडळांना मिळणार आहे.
स्पर्धेसाठी शिवराज्याभिषेक (हिंदू साम्राज्य दिन), विकसित भारत, गड-किल्ले तसेच पर्यावरण व वृक्षसंवर्धन हे चार विषय निश्चित करण्यात आले आहेत. स्पर्धेत सहभागी होण्यासाठी १९ सप्टेंबर २०२६ पर्यंत नोंदणी करता येणार आहे. स्पर्धेचे परीक्षण २० ते २३ सप्टेंबर २०२६ या कालावधीत करण्यात येणार आहे.
स्पर्धेतील विजेत्यांसाठी प्रथम पारितोषिक ३१ हजार रुपये, द्वितीय पारितोषिक २१ हजार रुपये आणि तृतीय पारितोषिक ११ हजार रुपये ठेवण्यात आले आहे. तसेच सहभागी गणेश मंडळांना सन्मानचिन्ह देऊन गौरविण्यात येणार आहे. स्पर्धेचा निकाल २४ सप्टेंबर २०२६ रोजी जाहीर करण्यात येईल, तर बक्षीस वितरण समारंभ २५ सप्टेंबर २०२६ रोजी आयोजित करण्यात आला आहे.
स्पर्धेसाठी नोंदणीकरिता श्री ग्राफिक्स – प्रवीण बनसोडे (८०५५१४०००८), उमेश इलेक्ट्रिकल्स – संजय ढगे (९४२३६२७४७०), वैभव मोबाईल शॉपी – विशाल बासटवार (९९६०१२४२००) आणि पियुष मामडे – मामडे ज्वेलर्स (७२७६१७७७१२) यांच्याशी संपर्क साधावा.
ही स्पर्धा कंधार शहर व तालुक्यातील गणेश मंडळांसाठी आयोजित करण्यात आली असून, अधिकाधिक मंडळांनी सहभाग नोंदवून आपल्या कलाकौशल्यातून सामाजिक व ऐतिहासिक विषयांवर जनजागृती करावी, असे आवाहन आयोजक शिवा मामडे, मामडे ज्वेलर्स, कंधार ,अड गंगाप्रसाद यन्नावार यांच्या वतीने करण्यात आले आहे.
About the Author
