नांदेड : (दिगांबर वाघमारे )
बरबडा येथील जवाहरलाल नेहरू माध्यमिक व उच्च माध्यमिक विद्यालयातील उपमुख्याध्यापक गणेश बडूरे व शिक्षक संतोष पचलिंग यांना महात्मा ज्योतिराव फुले शिक्षक परिषद, महाराष्ट्र यांच्यावतीने शिक्षक दिनाचे औचित्य साधून राज्यस्तरीय आदर्श शिक्षक पुरस्कार प्रदान करण्यात येणार आहे.
हा सोहळा २० सप्टेंबर रोजी कुसुम सभागृह नांदेड येथे प्रदान करण्यात येणार आहे. गणेश प्रभूआप्पा बडूरे व सहशिक्षक संतोष पद्माकर पचलिंग यांच्या शैक्षणिक, सामाजिक, राष्ट्रीय कार्याची दखल घेऊन या पुरस्कारासाठी त्यांची निवड करण्यात आली आहे.
या कार्यक्रमासाठी उद्घाटक नांदेड चे महापौर कविताताई मुळे, खासदार रवींद्र पाटील चव्हाण, खासदार ब्रिगेडियर सुधीर सावंत, गिरीशभाऊ जाधव, डॉ. राजेश कल्याणकर, व्यंकटराव जाधव, प्रा. गोपीनाथ सगर, व्यंकटराव वडजे, विठ्ठल सोळंके, नागनाथ स्वामी, प्रकाश पावडे, उमाकांत पवार, लताताई शिंदे, मारुती गायकवाड यांची उपस्थिती राहणार आहे.जवाहरलाल नेहरू शाळेतील शिक्षक संतोष पचलिंग यांना राज्यस्तरीय आदर्श शिक्षक पुरस्कार जाहिर झाल्याबदल कैलास बारसे, यांच्या वतीने दि.7 सप्टेंबर रोजी सत्कार करून शुभेच्छा दिल्या यावेळी गणपत शिराळे,कपिल शिराळे,माधव आनेराये आदीची उपस्थिती होती.
video news
https://youtu.be/ggO_fZ90qxA?si=wI2Q4c4fbaocORh9
About the Author
