कंधार: प्रतिनिधी
रवींद्रनाथ टागोर प्राथमिक शाळेचा माजी विद्यार्थी कृष्णा उगले याने सीईटी परीक्षेत ९२ टक्के गुण मिळवून अभियांत्रिकी प्रवेशासाठी यश संपादन केले आहे. त्याचा कोल्हापूर येथील केआयटी कॉलेजमध्ये कम्प्युटर सायन्स शाखेसाठी प्रवेश निश्चित झाला आहे. या उल्लेखनीय यशाबद्दल रवींद्रनाथ टागोर प्राथमिक शाळेतर्फे कृष्णा उगले याचा सत्कार करण्यात आला.
या कार्यक्रमास संस्थेचे सचिव गंगाप्रसादजी यन्नावार, मुख्याध्यापक श्री. सुभाष मुंडे , तसेच सहशिक्षक श्रीमती शेख वाय आय,श्री सुर्यवंशी आर एच, श्री. तिडके ई पी ,श्री हनुमंते व्हि डी, श्री तपासे टी एस आदी उपस्थित होते.
यावेळी मार्गदर्शन करताना संस्थेचे अध्यक्ष गंगाप्रसादजी यनावार यांनी कृष्णा उगले याच्या यशाचे कौतुक करून विद्यार्थ्यांनी त्याचा आदर्श घ्यावा, असे आवाहन केले. विद्यार्थ्यांनी आपल्या आवडीच्या क्षेत्रात मेहनत, चिकाटी आणि सातत्य ठेवून प्राविण्य मिळवावे, असेही त्यांनी सांगितले.
सत्काराला उत्तर देताना कृष्णा उगले याने रवींद्रनाथ टागोर प्राथमिक शाळेत मिळालेले मूलभूत शिक्षण आणि शिक्षकांचे मार्गदर्शन आपल्या पुढील शैक्षणिक वाटचालीसाठी महत्त्वाचे ठरल्याचे सांगितले. शाळेतील शिक्षकांनी दिलेल्या संस्कार व शिक्षणाबद्दल त्याने कृतज्ञता व्यक्त केली.
कृष्णा उगले याच्या यशाबद्दल शाळेतील शिक्षक, विद्यार्थी व पालकांनी त्याचे अभिनंदन करून पुढील शैक्षणिक वाटचालीस शुभेच्छा दिल्या.
About the Author
