कंधार / प्रतिनिधी
कंधार तालुका काँग्रेस कमिटीच्या वतीने आज दि ३ नोव्हेबर रोजी स्थानिक स्वराज्य संस्थांच्या आगामी निवडणुकांच्या पार्श्वभूमीवर निवडणूक आढावा बैठक उत्साहात पार पडली. कंधार येथे आयोजित या बैठकीत नगरपरिषद, पंचायत समिती व जिल्हा परिषद निवडणुका प्रभावीपणे लढवण्यासाठी पक्षाची रणनीती, संघटनबांधणी आणि कार्यकर्त्यांचे नियोजन यावर सविस्तर चर्चा करण्यात आली.
या बैठकीसाठी पक्ष निरीक्षक म्हणून काँग्रेस महाराष्ट्र प्रदेश सरचिटणीस केदार प. सोळंके आणि सुरेंद्र घोडजकर उपस्थित होते. त्यांच्यासोबत जिल्हा उपाध्यक्ष बालाजी प. टेंभुर्णे, सेवादल जिल्हाध्यक्ष गणेश पाटील, लोहा प्रभारी अनिल मोरे तसेच कंधार तालुकाध्यक्ष संजय भोसीकर यांच्या प्रमुख उपस्थितीत बैठक संपन्न झाली.
बैठकीत शहराध्यक्ष म. हम्मीद म. सुलेमान, माजी नगरसेवक शहाजी राजे नळगे, उपनगराध्यक्ष सुधाकर अण्णा कांबळे, मन्नान भाई चौधरी, माजी पं.स. सदस्य रामभाऊ देवकांबळे, माधवराव गित्ते, बाळासाहेब गोमारे, अल्पसंख्याक तालुकाध्यक्ष म. अजमोदिन बबर महमद, माजी नगरसेवक मगदूम कुरेशी, सलीम भाई, युवक काँग्रेस विधानसभा अध्यक्ष महेश भोसीकर, लोहा-कंधार विधानसभा काँग्रेस संघटक सतीश देवकत्ते, नगरसेवक रामभाऊ बनसोडे, सचिव सुरेश कल्हाळीकर, युवक काँग्रेस शहराध्यक्ष अजय मोरे, ॲड. कलिम अन्सारी, महिला काँग्रेस शहराध्यक्षा रमाताई कटारे, ग्रामपंचायत सदस्या सौ. कल्पनाताई पेठकर, युवानेते राजीव मळगे, दिलीप पवार, मयुर कांबळे, श्रीनिवास गुट्टे, परमेश्वर घोरपडे, सरपंच पवन पा कदम, विद्यार्थी काँग्रेस तालुकाध्यक्ष ऋषीकेश बसवंते, तसेच अनेक युवक कार्यकर्ते उपस्थित होते.
बैठकीत आगामी निवडणुकांमध्ये काँग्रेस पक्ष अधिक बळकट करण्यासाठी संघटनस्तरावर सक्रिय काम सुरू ठेवण्याचे आणि जनतेच्या प्रश्नांवर ठोस भूमिका मांडण्याचे आवाहन पक्ष निरीक्षक काँग्रेस महाराष्ट्र प्रदेश सरचिटणीस केदार पाटील सोळंके यांच्या वतीने करण्यात आले.
बैठकीत उत्साही वातावरणात विविध ठराव पारित करण्यात आले असून, काँग्रेस कार्यकर्त्यांनी “जनतेसाठी, विकासासाठी – काँग्रेस पुन्हा सत्तेत” हा नारा देत निवडणुकीची तयारी सुरु केली.
About the Author
