नांदेड: (दादाराव आगलावे)
महाराष्ट्र क्रिकेट असोसिएशन कडून होणाऱ्या 15 वर्षाखालील मुलींच्या निमंत्रित टुर्नामेंट मध्ये नांदेड जिल्हा संघातील शुभम क्रिकेट अकॅडमी नांदेडची कु.रिद्धी शिवराज डावकरे हीची निवड झाली आहे.
कु. कु.रिद्धी डावकरे ही क्रिकेट खेळणारी नांदेडची ही पहिलीच महिला आहे. ऑलराऊंडर कामगिरी करत आपले आणि आपल्या जिल्ह्यासह प्रशिक्षकाचे नाव झळकवले आहे.
नांदेड जिल्ह्यातील रिद्धी ही पहिली महिला खेळाडू आहे जी महाराष्ट्राच्या कॅम्प मध्ये आपले कौशल्य दाखवणार आहे. कु.रिद्धीच्या या यशाचे श्रेय रिद्धीने आपले प्रशिक्षक शुभम लोहार यांना दिले आहे. या यशाचे श्रेय तिने आई-वडीलासह प्रशिक्षक शुभम लोहार यांना दिले तिने यावेळी मनोगतात म्हटले की प्रशिक्षकांनी पर्सनल प्रॅक्टिस घेत असताना माझ्या खेळामध्ये तांत्रिक बाबी आणि माझ्या मेंटल हेल्थ सोबत फिटनेसकडे ज्या पद्धतीने लक्ष दिले. याचा मला खूप फायदा झाला.माझ्या परिवाराच्या व प्रशिक्षकाच्या मेहनतीने मी इथपर्यंत पोहोचले. कु. रिद्धी डावकरे ही तालुका न्यायालय पालम जिल्हा परभणी येथे कार्यरत सरकारी वकील शिवराज नामदेव डावकरे आणि जिल्हा व सत्र न्यायालय भोकर’ जिल्हा नांदेड येथील अतिरिक्त सरकारी वकील सौ. अनुराधा शिवराज डावकरे यांची मुलगी होय. रिद्धी डावकरे ही मुखेड तालुक्यातील वर्ताळा येथील रहिवाशी असून बालपणापासून ती नांदेड येथे वास्तव्यास आहे. शाळेमध्ये तिने आजपर्यंत विशेष प्राविण्य मिळवले असून शिक्षणाबरोबरच खेळामध्ये ही ती पारंगत आहे. तिच्या या यशाबद्दल वर्ताळा ग्रामस्थांच्या वतीने तिचे अभिनंदन केले आहे. या यशाबद्दल आमदार डॉ. तुषार राठोड, आमदार बालाजीराव कल्याणकर, पत्रकार दादाराव आगलावे सह भोकर व पालम येथील माननीय न्यायालयाच्या वतीने अभिनंदन होत आहे.
About the Author
