अहमदपूर ( प्रा भगवान आमलापुरे )
तालुक्यातील अंधोरी, ढाळेगाव येथील गाव शिवारात आणि सोरा येथील महादेव मंदिर परिसरात नुकताच म्हणजे शुक्रवार दि ३१ आक्टो २५ रोजी कापुसकोंडा या मराठी चित्रपटाचे चित्रीकरण पार पडले. चित्रीकरण जवळ जवळ पुर्णत्वास आले आहे. त्यामुळे हा परिसर चार दिवस पुलकित झाला होता.
अधिक माहिती अशी की अंधोरी येथील रहिवासी अनिरुद्ध अंधोरीकर हे या चित्रपटाचे निर्माते आहेत. तर दिग्दर्शन सचिन मोहिते आहेत. हिसाळाकार मुरहारी कराड, पारकर यांनी निर्माते अनिरुद्ध अंधोरीकर यांना सोरा येथील महादेव मंदिर परिसरात या विषयावर बोलते केले असता त्यांनी वरील माहिती दिली. महादेव मंदिर परिसरात हा ताफा तीन चार दिवस मुक्कामी होता.
सदरील मराठी चित्रपट जास्वंद एंटरटेनमेंट प्रायव्हेट लिमिटेड या बॅनरखाली, मार्फत तयार केला जात आहे. त्याचे चित्रीकरण जवळ जवळ पुर्णत्वास आले आहे. अंधोरी ढाळेगाव आणि सोरा येथील गावात, शिवारात आणि महादेव मंदिर परिसरात शेवटचे काही चित्रीकरण करण्यात आले आहे.
या चित्रपटात सुप्रसिद्ध अभिनेते सचिन पिळगांवकर, आई कुठे काय करते? मराठी मालिका फेम अभिनेत्री मधुराणी गोखले आणि शिवरायांचा छावा फेम भुषण पाटील हे कलाकार म्हणून मुख्य भूमिकेत आहेत. या चित्रपटाचे ठळक वैशिष्ट्ये म्हणजे यातील एका कुत्र्याचे काम होय. हा चित्रपट कौटुंबिक आहे. त्यामुळे रसिक श्रोत्यांनी हा चित्रपट आवर्जून पाहावा. असे आवाहन निर्माते अनिरुद्ध अंधोरीकर आणि दिग्दर्शक सचिन मोहिते यांनी केले आहे.दरम्यान चित्रपटाच्या चित्रीकरणामुळे हा परिसर आनंदून गेला आहे. अशी जनसामान्यांची भावना ऐकायला मिळाली.यावेळी भजनी मंडळ येस्तार .एल आय सी प्रतिनिधी मनोहर ढाकणे एकनाथ कराड , पवन महाराज येस्तारकर दत्ता राजपांगे यांच्यासह रसिकांची मोठ्या प्रमाणात उपस्थिती होती.
About the Author
