श्री शिवाजी प्राथमिक माध्यमिक व उच्च माध्यमिक विद्यालय माणिकनगर येथे गुरुनानक जयंती साजरी
नांदेड – (दादाराव आगलावे)
गुरू नानक साहिब यांनी दूरवर प्रवास करून लोकांना देवाचा संदेश दिला जो त्यांच्या सृष्टीतील शाश्वत सत्याचे वास्तव आहे. गुरु नानक हे शीख धर्माचे संस्थापक आणि पहिले गुरू होते, ज्यांनी समानता, सत्य आणि एकतेच्या शिकवणीवर भर दिला असे प्रतिपादन प्राचार्य सुधीर कुरूडे यांनी केले.
श्री शिवाजी प्राथमिक माध्यमिक व उच्च माध्यमिक विद्यालय माणिकनगर येथे गुरुनानक जयंती साजरी करण्यात आली त्यावेळी ते अध्यक्षीय समारोप करताना बोलत होते. मुख्याध्यापक तथा प्राचार्य सुधीर कुरूडे व
उपमुख्याध्यापक तथा उपप्राचार्य डॉ. मधुकर शिंदे व इतर मान्यवरांच्या हस्ते शिख समाजाचे संस्थापक, आद्यगुरु गुरूनानक यांच्या प्रतिमेचे पुष्पहार अर्पण करून अभिवादन करण्यात आले. प्राचार्य सुधीर कुरूडे पुढे म्हणाले की, जगात समानता आणि भक्तीचा संदेश दिला. गुरुनानक जयंती, ज्याला ‘गुरुपूरब’ किंवा ‘प्रकाश पर्व’ असेही म्हणतात, दरवर्षी कार्तिक महिन्याच्या पौर्णिमेला साजरी केली जाते. त्यांच्या शिकवणी शीख धर्माच्या पवित्र ग्रंथ ‘गुरु ग्रंथ साहिब’ मध्ये समाविष्ट आहेत, ज्यात जपुजी साहिब आणि आसा दी वार सारखे श्लोक आहेत. यावेळी शाळेतील शिक्षक, शिक्षिका, सांस्कृतिक विभाग प्रमुख डॉ. कविता तिर्थे, सौ. गरुडकर, कौठा विभागांचे माध्यमिक इन्चार्ज आनंद सुरसे,कौठा विभागाचे उच्च माध्यमिक इन्चार्ज प्रा. सय्यद जमिल, प्रा. अकनगिरे, बालाजी टिमकीकर, अनिल कुमठेकर आदीचे पाल्य यांना बिडीएस, एमबीबीएस, बीएएमएस , इंजीनियरिंग इत्यादी शाखांना वेगवेगळ्या ठिकाणी प्रवेश मिळाला त्यानिमित्त शाळेच्या वतीने संबंधित शिक्षक शिक्षकांचा सत्कार करण्यात आला. सदर कार्यक्रमाचे सूत्रसंचालन करताना सहशिक्षिका सुवर्णा कळसे म्हणाल्या की, श्री गुरु नानक देव जी हे शीख धर्माचे संस्थापक आणि दहा शीख गुरूंपैकी पहिले होते. त्यांनी समानता, सत्य आणि ईश्वराच्या एकतेबद्दल शिकवले. यावेळी माध्यमिक पर्यवेक्षक सत्यवान पारेकर, आर. सी. गायकवाड, कौठा विभागाचे उच्च माध्यमिक ई्न्चार्ज सय्यद जमिल, कौठा विभागाचे माध्यमिक इन्चार्ज आनंद सुरसे , जेष्ठ शिक्षिका वरवंटकर मॅडम, यांची उपस्थिती होती. सदर कार्यक्रमासाठी शाळेतील प्राथमिक, माध्यमिक व उच्च माध्यमिक विद्यालयातील उपप्राचार्य सर्व पर्यवेक्षक, शिक्षक, शिक्षकेत्तर कर्मचारी, विद्यार्थी, पालक मोठ्या संख्येने उपस्थित होते.
About the Author
