लोहा (प्रतिनिधी)
लोहा तालुक्यातील जिल्हा परिषद कलंबर सर्कल (सर्वसाधारण महिला) मतदारसंघातून MRS पक्षाच्या उमेदवार म्हणून सौ. पुष्पाताई शिवराज धोंडगे यांचा प्रचार दिवसेंदिवस जोम पकडत असून, सर्कलमधील गावोगावी त्यांना जोरदार प्रतिसाद मिळत आहे.
आज किरोडा येथे सौ. पुष्पाताई धोंडगे यांनी गावकऱ्यांशी स्नेहभेट घेतली व विकासाविषयी संवाद साधला. यावेळी उपस्थित ग्रामस्थांनी त्यांना एकमुखी पाठिंबा जाहीर केला. या भेटीत दिलीपदादा धोंडगे व शिवराजदादा धोंडगे यांनी देखील उपस्थितांसमोर आपले विचार व्यक्त करत सौ. पुष्पाताई यांच्या उमेदवारीचे महत्त्व अधोरेखित केले.
कलंबर सर्कलमधील कलंबर, मोकळेवाडी, गुंडेवाडी, मलकापूर, रायवाडी, गोलेगाव पक, गोलेगाव वाडी, गोधनीतांडा, निळा, शेलगाव, पोखरी, धानोरा, चोंडी, हाडोळी, धावरी किरोडा आदी गावांमधून सौ. धोंडगे यांच्या प्रचाराला उत्स्फूर्त पाठिंबा मिळत आहे.
माजी आमदार शंकरआण्णा धोंडगे यांच्या कार्यकाळात झालेल्या बंधारे, सिंचन प्रकल्प, धरण मंजुरी आदी विकासकामांमुळे शेतकरी वर्गात निर्माण झालेला विश्वास हा सौ. पुष्पाताईंच्या प्रचाराचा मजबूत पाया ठरत आहे.
महिला आरक्षणाच्या पार्श्वभूमीवर सौ. पुष्पा शिवराज धोंडगे या धोंडगे परिवाराच्या परंपरेला न्याय देत पुढे येत आहेत. त्यांच्या प्रचाराची दिशा विकास, शेतकरीहित आणि सर्वसमावेशक प्रगती या मुद्यांवर केंद्रित असून, मतदारसंघात सकारात्मक वातावरण निर्माण झाले आहे.
About the Author
