अहमदपूर ( प्रा भगवान आमलापुरे ) येथील ग्रामीण रुग्णालय समोर असणाऱ्या भारतरत्न डॉ बाबासाहेब आंबेडकर यांच्या पुतळा सुशोभीकरण करण्यात आले आहे. गत पंधरा दिवसांपासून हे काम सुरू आहे. आता हे सुशोभीकरणाचे काम संपत आलं आहे. या सुशोभीकरण आणि पुतळा परिसरास सहकार मंत्री तथा गोंदिया जिल्ह्याचे पालकमंत्री ना बाबासाहेब पाटील, माजी मंत्री बाळासाहेब जाधव, माजी मंत्री विनायकराव पाटील, माजी आमदार रामभाऊ गुंडीले, माजी आमदार बब्रुवान खंदाडे यांनी आणि इतर बऱ्याच पदाधिकाऱ्यानी भेट देऊन पाहणी केली होती. दरम्यान आज दि 13 एप्रिल 25 रोजी डॉ बाबासाहेब आंबेडकर यांच्या पुतळ्यासमोर सकाळी ठीक 11 00 वाजता भिमगीतांचा कार्यक्रम पार पडला. त्यानंतर लगेचच भारतीय दलित पँथर अहमदपूर, महाबोधी विहार मुक्ती अभियान, संविधान बचाव रॅलीचे आयोजन अॅड रमेशभाई खंडागळे आणि प्रा संजयभाऊ कांबळे यांच्या नेतृत्वाखाली काढण्यात आली.
About the Author
