कंधार ; प्रतिनिधी
कंधार तालुका म्हणजे कलावंत घडविणारी मन्याड खोर्यातील पवित्र मृदा.पुर्वी म्हणजे निजाम शाहीची गुलामीचा कंधार तालुक्यात अन्यायाचा धुमाकुळ माजला होता.त्यावेळेसमन्याड खोर्यातील कलामहर्षि,केशवसखा भाई गुरुनाथराव कुरुडे या कलावंत अवलियांनी क्रांतिभुवन बहाद्दरपुऱ्यात शनीमंदिराच्या शुभ्र भिंतीवर जळतनातल्या कोळशाने नेताजी सुभाष चंद्र बोस यांचे रेखाचित्र रेखाटले असता रजाकाराचे मस्तिष्क खवळले.यह कारागरी करणे की जुर्रत की है। असे म्हणताच कलावंताच पत्ता काढताच भाई केशवराव धोंडगेची सुचना,भाई गुरुनाथराव कुरुडे यांची कारागरी असे त्या रजाकारांना समजले.त्याच क्षणी रातोरात परभणी जिल्ह्य़ातील डिघोळ देवीचे कुरुडे साहेब यांची सासरवाडी भाई धोंडगे व भाई कुरुडे यांनी गाठली.
अशा चित्रकला क्षेत्रात निष्णात माजी आमदार, ज्येष्ठ स्वातंत्र्य सेनानी भाई गुरुनाथराव कुरुडे या कलामहर्षिस श्री शिवाजी हायस्कूल हु.माणिकराव काळेरोड कंधार या ज्ञानालयात रमाकांत भीमराव जोंधळे यांनी भाई गुरुनाथराव कुरुडे यांचे अप्रतिम पेन्सिल स्केच रेखाटून १ मे २०२५ रोजी ६६ वा महाराष्ट्र दिन व १३६ वा कामगार दिनाच्या औचित्य साधून क्रांतिभुवन बहाद्दरपुऱ्यात क्रांति टावर जवळ भाई गुरुनाथराव कुरुडे साहेब यांना भेट दिले.चित्रकार रमाकांतच्या आई-वडीलांचे कौतुक करत, बाल चित्रकाराच्या उपजत कलेचे मुरीद बनले.भाई गुरुनाथराव कुरुडे साहेब यांनी ११००० रुपये बक्षिस स्वरुपात देऊन बाल चित्रकारास प्रोत्साहन दिले.या प्रसंगी उपसरपंच हनमंतराव पा.पेठकर, बाबुराव दादा पेठकर,भीमराव वंजे पहिलवान पत्रकार जाभाडे, रवि कदम,शेख सुलतान, शेख युसुफ, पिंटू शेकापूरे,शेख,व्यंकटराव सावरकर,मानसपूरीकर काका, आदी उपस्थित होते
About the Author
