कंधार ; येथील पोलिस ठाण्यात कार्यरत असलेले पोलीस उपनिरीक्षक शेख महेबुब अमीनसाब (वय ५७) यांचे दि. ६ ऑगस्ट रोजी सायंकाळी ५.४०वाजता हृदयविकाराच्या तीव्र झटक्याने दुःखद निधन झाले. त्यांच्या निधनाने पोलिस दलासह सामाजिक वर्तुळात हळहळ व्यक्त होत आहे.
त्यांचा दफनविधी गुरुवारी, दि. ७ ऑगस्ट रोजी सकाळी १० वाजता मूळ गावी पानभोसी (ता. कंधार) येथील कब्रस्तानात होणार आहे. शेख महेबुब हे कंधार येथील प्रियदर्शनी नगर येथे राहत होते ते कर्तव्यनिष्ठ, प्रामाणिक आणि मनमिळावू स्वभावाचे अधिकारी म्हणून ओळखले जात होते. त्यांनी आपल्या सेवाकाळात अनेक जबाबदाऱ्या प्रभावीपणे पार पाडल्या होत्या.
त्यांच्या पश्चात पत्नी, एक मुलगा, दोन मुली, जावई, एक सून, नातवंडे असा मोठा परिवार आहे. ते सामाजिक कार्यकर्ते शेख आरेश यांचे वडील होत. त्यांच्या निधनाने कंधार परिसरात शोककळा पसरली असून, विविध स्तरांतून शोकसंवेदना व्यक्त केल्या जात आहेत.
About the Author
