कंधार/प्रतिनिधी
तालुक्यातील श्रीक्षेत्र उमरज (धाकटे पंढरपूर) ता. कंधार येथे श्री कृष्ण जन्मोत्सव, श्री संत नामदेव महाराज जन्मोत्सव व श्री संत श्रेष्ठ ज्ञानेश्वर महाराजांच्या ७५० व्या जन्मोत्सव सोहळ्यानिमित्त दि. ९ ऑगस्ट ते १६ ऑगस्ट दरम्यान अखंड हरिनाम सप्ताहाचे आयोजन करण्यात येणार असल्याची माहिती संस्थांचे मठाधिपती एकनाथ गुरु नामदेव महाराज यांनी दिली.
नांदेड जिल्ह्यासह महाराष्ट्र,आंध्रप्रदेश ,कर्नाटक अदिराज्यातील भाविक भक्तांची या मठ संस्थांवर मोठी श्रद्धा आहे. श्रीक्षेत्र (धाकटे पंढरपूर) उमरज येथील श्री संत नामदेव महाराज मठ संस्थानचे मठाधिपती महंत एकनाथ गुरु नामदेव महाराज यांच्या वतीने श्रीकृष्ण जन्मोत्सव व श्री संत नामदेव महाराजांच्या जन्मोत्सवानिमित्त दरवर्षी अखंड हरिनाम सप्ताहाचे आयोजन करण्यात येते.यावर्षी विविध कार्यक्रमाचे आयोजन करण्यात आले आहे.
दररोज पहाटे ४ ते ६ दरम्यान काकडा भजन, सकाळी ७ ते ९ श्री संत नामदेव महाराज ग्रंथ पारायण, सकाळी १० ते दुपारी १२ गाथा भजन, दुपारी १२ ते ३ श्रीमद् भागवत कथा, सायंकाळी ५ ते ६ हरिपाठ, रात्री ७ ते ९ हरिकीर्तन व हरिजागर असे दैनंदिन सात दिवस कार्यक्रम होणार आहेत.
भागवत कथा प्रवक्ते ह.भ.प. कृष्णा महाराज धानोरकर यांच्या रसाळ वाणीतून भागवत कथा
राहणार आहेत. यावेळी शनिवार, दि.९ ऑगस्ट रोजी ह.भ.प. कृष्णा महाराज धानोरकर, रविवार दि.१० ऑगस्ट रोजी ह.भ.प. ज्ञानेश्वर महाराज करंजीकर, सोमवार, दि.११ ऑगस्ट रोजी ह.भ.प. सोपान महाराज सानप हिंगोलीकर,मंगळवार दि.१२ ऑगस्ट रोजी ह.भ.प. पुरुषोत्तम महाराज पाटील बुलढाणेकर, बुधवार, दि. १३ ऑगस्ट रोजी ह.भ.प. पुरुषोत्तम महाराज बावस्कर, गुरुवार, दि.१४ ऑगस्ट रोजी ह.भ.प.कृष्णा महाराज चवरे, शुक्रवार,दि.१५ ऑगस्ट रोजी ह.भ.प. कृष्णा महाराज नवले पैठणकर, मुक्ताईनगर आदी कीर्तनकारांचे कीर्तन होणार आहे. तर शनिवारी, दि. १६ ऑगस्ट रोजी श्री संत, महंत, मठाधिपती एकनाथ महाराज उमरजकर यांचे काल्याचे कीर्तन होईल. या कार्यक्रमाचा पंचक्रोशीतील भाविकांनी लाभ घ्यावा असे आवाहन संस्थांनचे मठाधिपती महंत एकनाथ गुरु नामदेव महाराज यांनी केले.
शुक्रवार,दि.१५ ऑगस्ट रोजी सकाळी १० ते ११ वाजता “श्री ओम नमो नामदेवाय नम” या महामंत्राचा सव्वा लाख नाम जप होणार आहे. रात्री १० ते १२ दरम्यान श्री गुरु नामदेव महाराज यांच्या समाधीचा महाअभिषेक व फटाक्यांची आतिषबाजी करण्यात येणार आहे.
About the Author
