मुखेड: प्रतिनिधी
शहरातील गुरुदेव विद्यामंदिर प्राथमिक शाळा शिवाजीनगर येथे कलाशिक्षक बी. एन. रणवीरकर यांच्या मार्गदर्शनाखाली विद्यार्थ्यांना काळी माती व चिकन माती पासून मूर्ती कशा बनवाव्यात याविषयी मार्गदर्शन करण्यात आले व प्रात्यक्षिक देण्यात आले. कार्यक्रमाच्या अध्यक्षस्थानी शाळेच्या मुख्याध्यापिका सौ. संगीता रणवीरकर (गरुडकर) मॅडम होत्या.
कलाशिक्षक बी.एन. रणवीरकर यांच्या मार्गदर्शनाखाली विद्यार्थ्यांनी अतिशय सुबक आणि सुंदर अशा गणेश मूर्ती बनवल्या. नुसत्या गणेश मूर्तीच बनवून न थांबता विद्यार्थ्यांनी येऊ घातलेला गणेशोत्सव घरी आशाच पर्यावरण पुरक गणेश मूर्तिची स्थापना करण्याचा निर्धार केला. आपल्या परिसरात गणेशोत्सवातील ध्वनी प्रदूषणा बाबत, मंडप सजावट सुद्धा पर्यावरण पूरक असावी याबद्दल विद्यार्थ्यांमध्ये जागरुकता निर्माण करण्यात आली. काही विद्यार्थ्यांनी या विषयावर आपली भाषणे सादर केली.
जयवंत इंगोले या विद्यार्थ्याने उत्कृष्ट भाषण सादर करून प्रथम क्रमांक पटकावला. शाळेतील सर्व शिक्षकांनी विद्यार्थ्यांना गणेश मूर्ती बनवण्याबाबत तसेच भाषणासाठी मार्गदर्शन केले.
अश्विनी जाधव, श्रुती जाधव, अंबिका मोरे, अंकुश संगमवाड, रुपेश चौधरी, जयवंत इंगोले, सम्राट जोंधळे, प्रणव होनशेट्टे, विनायक माटरोल, कृष्णा देवके, बसवेश्वर रुद्र चौधरी, आर्यन राठोड, श्रीनिवास पाटील, वर्धन चौधरी,विश्वेश्वर होनशेट्टे या विद्यार्थ्यांनी सुबक आणि सुंदर अशा गणेश मूर्ती बनवून उपक्रमांमध्ये सक्रिय सहभाग नोंदवला. त्याबद्दल संस्थेचे अध्यक्ष राजीव गरुडकर, उपाध्यक्ष संजीव गरुडकर, कोषाध्यक्ष डॉ. बालाजी गरुडकर, शाळेच्या मुख्याध्यापिका सौ. संगीता रणवीरकर (गरुडकर) मॅडम व सर्व शिक्षकवृंद यांनी त्यांचे कौतुक केले. कार्यक्रमाचे सूत्रसंचालन योगशिक्षक गणेश टेबुर्णे यांनी केले.
About the Author
