मुखेड: (दादाराव आगलावे)
हॅकिंग, फिशिंग, ऑनलाइन फसवणूक, ओळख चोरी आणि सायबर बदनामी यांसारख्या गुन्ह्यांचा समावेश सायबर क्राईमध्ये असतो. हे गुन्हे पैसे कमवण्यासाठी, वैयक्तिक माहिती चोरण्यासाठी किंवा लोकांना त्रास देण्यासाठी केले जातात. या गुन्ह्यांपासून स्वतःचे संरक्षण करण्यासाठी, ऑनलाइन फसवणुकीपासून सावध रहाणे, शक्तिशाली पासवर्ड वापरणे आणि संशयास्पद लिंक्सवर क्लिक न करणे महत्त्वाचे आहे, सायबर क्राईम म्हणजे संगणक, इंटरनेट किंवा नेटवर्कचा वापर करून केलेली गैरकायदेशीर कृती होय असे प्रतिपादन मुख्याध्यापक शिवाजी डावकरे यांनी केले.
येथून जवळच असलेल्या दापका (राजा) येथील श्री संत नामदेव महाराज विद्यालय येथे विद्यार्थी व विद्यार्थिनींना सायबर क्राईम बद्दल मार्गदर्शन करताना अध्यक्षीय समारोप करताना बोलत होते. कार्यक्रमास वसंत चव्हाण, बुद्धाजी किनवाड, दादाराव आगलावे, सतीश मस्कले, सचिन बादेवाड, प्रदीप दापकेकर, चंद्रकांत तेलंगे, रवी हादवे, सुलिंदर गायकवाड यांची प्रमुख उपस्थिती होती. मुख्याध्यापक शिवाजी डावकरे ‘सायबर’ बद्दल बोलताना पुढे म्हणाले की, ‘पोर्नोग्राफी’ हा सायबर क्राईममधील प्रकार. अश्लील चित्रफिती, छायाचित्रे, मजकूर, इंटरनेटद्वारे डाऊनलोड करणे, प्रसारित करणे, पाहाणे असे प्रकार पोर्नोग्राफीमध्ये मोडतात. पोर्नोग्राफीवर आपल्या देशात पूर्णत: बंदी असली तरी इंटरनेटच्या महाजालात अजून तरी त्यावर बंधने नाहीत. ‘टाइम’ मासिकाच्या समूहाने केलेल्या एका सर्वेक्षणानुसार विविध वेबसाईटस्नी पोर्नोग्राफीच्या लिंक अजिबात बंद केल्या तर अनेक लोक नेटसर्फिंग किंवा इंटरनेटचा वापर बंद करतील. यावेळी वसंत चव्हाण, बुद्धाजी किनवाड यांनी आपले मनोगत व्यक्त केले. कार्यक्रमाचे सूत्रसंचालन चंद्रकांत तेलंगे यांनी केले तर आभार रवी हादवे यांनी मानले. कार्यक्रमास सर्व शिक्षक, शिक्षकेतर कर्मचारी, पाल, विद्यार्थी, विद्यार्थिनी मोठ्या संख्येने उपस्थित होते.
About the Author
