कंधार (ॲड सिध्दार्थ वाघमारे)
आरोग्य आणि कुटुंब कल्याण मंत्रालयामार्फत ‘स्वस्थ नारी, सशक्त परिवार’ या विशेष राष्ट्रीय अभियानाला बुधवारपासून सुरुवात झाली असून त्याचाच एक भाग म्हणून जिल्हा आरोग अधिकारी डॉ.संगीता देशमुख यांच्या सूचनेप्रमाणे व तालुका आरोग्य अधिकारी डॉ.प्रसाद केंद्रेकर यांच्या मार्गदर्शनाखाली तालुक्यातील बारुळ व पेठवडज या प्राथमिक आरोग्य केंद्रात महिला आणि बालकांसाठी विशेष आरोग्य शिबिरांचे आयोजन दिनांक १८ सप्टेंबर सकाळी १०.०० वाजता करण्यात आले होते.
या कार्यक्रमाच्या सुरवातीला उपस्थितीत मान्यवरांच्या हस्ते क्रांतीज्योती सावित्रीबाई फुले यांच्या प्रतिमेचे पुजन करून उद्घाटन करण्यात आले.या अभियानांतर्गत तालुक्यातील सर्व महिलांची सिकलसेल आजार , सोल्युबिलिटी तपासणी, क्षयरोग तपासणी, कुष्ठरोग तपासणी, शुगर, बीपी, गरोदर महिला व बालकांची तपासणी, वयोवृद्ध व्यक्तीची तपासणी करून शासनाच्या विविध योजनांची माहिती आणि लाभ देण्यात आला. हे अभियान २ ऑक्टोबरपर्यंत चालणार असून, यावेळी सर्व महिला आणि बालकांचा अभियानात मोठ्या प्रमाणात सहभाग होता.
या कार्यक्रमाच्या अध्यक्षस्थानी बारुळच्या सरपंच जनाबाई मनोहर वाघमारे तर प्रमुख पाहुणे म्हणून माजी पंचायत समिती सदस्य दिगांबर पाटील वडजे, तंटामुक्तीचे अध्यक्ष गोविंदराव पा. वळसिंगे, ग्राम पंचायत सदस्य जयराम कांबळे, उदय पा.जाधव, शेषराव डिकळे गुरुजी, शिरू पा.मजरे, आनंदा पा. शिंदे, गणेशराव नाईक, शहाबुद्दीन शेख, शहारूख पठाण, गौसभाई पठाण तालुका आरोग्य अधिकारी डॉ.प्रसाद केंद्रेकर तालुका समूह संघटक सुशील आलेगावकर यांची उपस्थिती होती तसेच या शिबीराचा लाभ परिसरातील आशा कार्यकर्ती, अंगणवाडी कार्यकर्त्या , मदतनीस , बचत गटाच्या महिला, महिला आरोग्य कर्मचारी यांचं लाभ घेतला यांची डॉ. राजेश्वर मारतळे, डॉ. शुभांगी सोनमणकर, डॉ. जमीर शेख.डॉ.अंबिका माटोरे-लाठकर,डॉ. दीक्षा कांबळे, डॉ. सागर तातोडे, डॉ. सिद्धेश्वर मुद्दे डॉ. अंकुश डिगरे यांनी शिबिरामध्ये विविध प्रकारच्या रुग्णाच्या आजाराची तपासणी केली .
यावेळी बारुळचे वैद्यकीय अधिकारी डॉ. योगेश दुलेवाड यांनी प्रास्ताविकात स्वस्थ नारी, सशक्त परिवार अभियाना विषयी सखोल अशी माहिती दिली व सर्व महिलांनी तपासणी शिबीराचा लाभ घेण्याचे आव्हान केले तसेच प्रमुख पाहुणे दिगांबर पा. वडजे यांनी त्यांच्या मनोगतात या शासनाच्या अभियानाची जनतेनी या सेवांचा लाभ घेण्याचे आव्हान केले .
हा कार्यक्रम यशस्वी करण्यासाठी बारुळ येथील आशा ताई, आरोग सेवक, आरोग्य सेविका, सर्व कर्मचारी यांनी परिश्रम घेतले या कार्यक्रमाचे सुत्रसंचलन व आभार आरोग्य सहाय्यक बाबाराव येलुरे यांनी मानले.
About the Author
