कंधार ; प्रतिनिधी
मराठी पत्रकार परिषदेशी संलग्न असलेल्या फुलवळ मराठी पत्रकार संघाच्या कार्यकारणीची आज दि . २६ सप्टेंबर रोज शुक्रवारी येथोचीत बैठक घेऊन फेरनिवड करण्यात आली. त्यात खेळीमेळीच्या वातावरणात सर्वानुमते बिनविरोध निवड प्रक्रिया पार पडली. फुलवळ मराठी पत्रकार संघाच्या अध्यक्षपदी परमेश्वर डांगे तर सचिवपदी धोंडीबा बोरगावे यांची एकमताने निवड झाल्याचे जाहीर करण्यात आले.
यावेळी फुलवळ पत्रकार संघातील सर्व सदस्यांनी उपस्थित राहून आपापले मनोगत व्यक्त करत संघाची फेरनिवड ही बिनविरोध व्हावी अशी अपेक्षा व्यक्त केली. त्यानुसार उपस्थित सर्वांचे मनोगत विचारत घेऊन, एकीचे बळ दाखवत सदर प्रक्रिया ही पूर्णपणे बिनविरोध करण्यात आली.
त्यात फुलवळ मराठी पत्रकार संघाच्या अध्यक्षपदी परमेश्वर डांगे , सचिवपदी धोंडीबा बोरगावे यांची तर उपाध्यक्षपदी होनाजी शेळगावे , कार्याध्यक्ष म्हणून ॲड. उमर शेख , संघटक व खजिनदार पदी मधुकर डांगे आणि मुख्य सल्लागार म्हणून डॉ. प्रदीपसिंह राजपूत यांचीही बिनविरोध निवड करण्यात आली. तसेच इतर सर्व पत्रकार बांधव हे या पत्रकार संघाचे सन्माननीय सदस्य राहतील.
फुलवळ पत्रकार संघाच्या नवनिर्वाचित सर्व पदाधिकारी व सदस्यांचे अभिनंदन करून भावी वाटचालीस शुभेच्छा देताना आपल्या पत्रकार संघाचे हे एकीचे बळ कायम अबाधित ठेवत आपल्या लेखणीच्या माध्यमातून गरजूंना , जनमाणसांना व शेवटच्या घटकातील प्रत्येकाला कसा न्याय देता येईल यासाठी सदैव आपली लेखणी कायम तळपत राहो यासाठी प्रत्येकाने प्रयत्नशील रहावे अशा शुभेच्छा दिल्या.
About the Author
