कंधार ; ( ता . प्र )
दिवाळीमुळे ऑक्टोबर महिन्याचे वेतन प्रचलित पद्धतीने स्विकारून शालार्थ वेतन प्रणाली व संच मान्यता इंटिग्रेशन प्रक्रियेस डिसेंबर महिन्यापर्यंत मुदतवाढ द्यावी, तसेच दिवाळीपूर्वी सर्वांचे वेतन आदा करण्यात यावे अशी मागणी शिक्षणाधिकारी (प्रा).वंदना फुटाणे यांना महाराष्ट्र राज्य मान्य खाजगी प्राथमिक शिक्षक व शिक्षकेतर महासंघाच्या वतीने निवेदनाद्वारे करण्यात आली.
राज्यातील शिक्षक व शिक्षकेतर कर्मचाऱ्यांच्या वेतन प्रणालीमध्ये बदल करून या महिन्यापासून ही प्रक्रिया शालार्थ वेतन प्रणाली व संच मान्यता इंटिग्रेशन पद्धतीने करण्याबाबत आदेश देण्यात आले. सन २०२४-२५ च्या संचमान्यतेचा विचार करता अनेक शाळांमधून शिक्षक अतिरिक्त ठरले आहेत. त्यामुळे या वेतन प्रणालीमध्ये या महिन्याचे वेतन बिल जनरेट केले असता त्यामध्ये एरर इशू दाखवत आहे.ऑक्टोबर महिन्याचे वेतन होण्यास
विलंब लागण्याची शक्यता आहे. तसेच याच महिन्यामध्ये दिवाळी हा मोठा सण आहे. त्यामुळे नवीन प्रणालीस मुदतवाढ द्यावी अशी विनंती शिक्षणाधिकारी श्रीमती वंदना फुटाणे यांना करण्यात आली .यावेळी प्रांत उपाध्यक्ष हरीहर चिवडे , जिल्हा कार्याध्यक्ष लक्ष्मणराव जाधव , सचिव हानमंत डाकोरे , सहसचिव बसवेश्वर मंगनाळे,जिल्हा संघटनमंत्री दिगांबर वाघमारे,शिक्षक नेते राजहंस शहापुरे ,कंधार तालुकाध्यक्ष भास्कर पाटील कळकेकर ,सुर्यकांत सोनकांबळे,मधुकर जाधव,आर.आर पाटील आदीसह महाराष्ट्र राज्य मान्य खाजगी प्राथमिक शिक्षक व शिक्षकेतर महासंघाचे नांदेड जिल्ह्यातील पदाधिकारी उपस्थित होते .
About the Author
