कंधार ;( दिगांबर वाघमारे )
जिल्हा परिषद आणि पंचायत समितीच्या आगामी निवडणुकीसाठी नुकत्याच झालेल्या आरक्षण सोडतीनंतर राजकीय वातावरण तापू लागले आहे. प्रत्येक सर्कलमध्ये उमेदवारांच्या चर्चांना वेग आला असून, फुलवळ सर्कल हे सर्वसाधारण महिला वर्गासाठी सुटल्याने येथे माजी जि.प. सदस्या सौ. वर्षाताई भोसीकर या पुन्हा एकदा रिंगणात उतरण्याच्या तयारीत असल्याची चर्चा सुरू झाली आहे.
याच पार्श्वभूमीवर सौ. भोसीकर यांनी आपल्या प्रचाराचा शुभारंभ धार्मिक वातावरणात करत फुलवळ पंचक्रोशीत प्रसिद्ध असलेल्या श्रद्धेय महादेव मंदिरात दर्शन घेतले. या वेळी त्यांच्या कुटुंबीयांसह कार्यकर्ते मोठ्या संख्येने उपस्थित होते. मंदिरात नारळ फोडण्यात आला असता तो नारळ चक्क उभा फुटल्याने उपस्थितांनी एकच जल्लोष केला. हा शुभसंकेत मानून कार्यकर्त्यांनी याला विजयाची चाहूल असे संबोधले. सध्या “नारळ उभा फुटला” ही चर्चा मतदारसंघभर रंगत असून, भोसीकर यांच्या प्रचाराला एक वेगळी ऊर्जा मिळाल्याचे जाणवते.
कंधार तालुका काँग्रेस चे अध्यक्ष तथा माजी जिल्हा परिषद सदस्य संजय भोसीकर यांनी परिसरातील कार्यकर्त्यांशी मनमोकळेपणाने संवाद साधला. , सौ .वर्षाताई भोसीकर यांचे “फुलवळ हे माहेर आहे. जनतेची सेवा हीच माझी खरी ताकद आहे. जनतेचा आशीर्वाद आणि कार्यकर्त्यांचा विश्वास हेच त्यांचे बळ असल्याची प्रतिक्रीया दिली.”
यावेळी काँग्रेस तालुकाध्यक्ष संजय भोसीकर यांनी कार्यकर्त्यांशी संवाद साधून आगामी निवडणुकीसाठी दिशा दिली. त्यांनी सांगितले की, “फुलवळ सर्कलमध्ये पुन्हा एकदा विकासाची गंगा वाहण्यासाठी सौ . वर्षा भोसीकर सर्वोत्तम पर्याय ठरणार आहेत.पूर्वी नागरीकांनी जिल्हा परिषदेसाठी निवडून दिले होते . तेव्हा जनतेची सेवा भोसीकर परिवारांनी केली होती .विकासाचा फुलवळ पॅटर्न निर्माण केला होता त्या काळात राहीलेले विकासाचे प्रश्न या पंचवार्षिक मध्ये मार्गी लावण्याचे यावेळी आश्वासन संजय भोसीकर यांनी दिले .
या कार्यक्रमाला फुलवळचे सरपंच नागनाथ मंगनाळे, शंकर डिगोळे, गऊळचे उपसरपंच नागनाथ हेंडगे, आनंदा पा. पवार, बसवेश्वर मंगनाळे, जयराम पा. मोरे, नवनाथ बनसोडे, बापुराव मंगनाळे, शिवा बोरगावे, मारोती मंगनाळे, आयनथ कंधारे, सोनू कंधारे, बबनराव ढाकणे, संजय देवकांबळे यांसह अनेक मान्यवर, सहकारी आणि कार्यकर्ते उपस्थित होते.
या धार्मिक व सामाजिक वातावरणात झालेल्या शुभारंभानंतर सौ. वर्षाताई भोसीकर यांच्या प्रचाराची जोरदार सुरूवात झाली असून, फुलवळ पंचक्रोशीत त्यांच्या उमेदवारीबाबत सकारात्मक चर्चा सुरू आहे.
About the Author
