कंधार ; प्रतिनिधी
जय जवान, जय किसान या घोषवाक्याने प्रेरित महाराष्ट्र राज्य समिती (M.R.S.) पार्टी आपल्या कार्यकर्त्यांसोबत आगामी स्थानिक स्वराज्य संस्थांच्या निवडणुकांसाठी सज्ज होत आहे. जिल्हा परिषद, पंचायत समिती व नगरपालिका निवडणुकांच्या पार्श्वभूमीवर पक्षाची पुढील दिशा आणि निवडणूक रणनीती ठरविण्यासाठी कंधार-लोहा तालुक्यातील कार्यकर्त्यांची महत्वपूर्ण बैठक आयोजित करण्यात आली आहे.
ही बैठक रविवार, दिनांक 19 ऑक्टोबर 2025 रोजी सकाळी 11:00 वाजता बाळांतवाडी कॉलेज कॅंपस येथे होणार आहे.
बैठकीस पक्षाचे प्रमुख मार्गदर्शक मा. शंकरअण्णा धोंडगे (माजी आमदार, लोहा-कंधार) मार्गदर्शन करणार आहेत. या बैठकीत स्थानिक स्तरावरील राजकीय समीकरणे, आगामी निवडणूक तयारी, तसेच कार्यकर्त्यांची भूमिका यावर सविस्तर चर्चा होणार आहे.
या बैठकीसाठी सर्व पदाधिकारी, कार्यकर्ते आणि समर्थकांनी वेळेत उपस्थित राहावे, असे आवाहन महाराष्ट्र राज्य समिती पक्षाचे नांदेड जिल्हा मार्गदर्शक मा. दिलीपदादा धोंडगे (माजी उपाध्यक्ष, जि.प. नांदेड) , युवानेते शिवराज पाटील धोंडगे यांनी केले आहे.
About the Author
