मुखेड: (दादाराव आगलावे)
सततच्या नातपिकीला कंटाळून आत्महत्या केलेल्या शेतकऱ्याच्या पत्नीला आमदार डॉ. तुषार राठोड यांच्या प्रयत्नातून 1 लक्ष रुपयाचा धनादेश नुकताच प्राप्त झाला.
तालुक्यातील नंदगाव येथील तरूण शेतकरी नागनाथ नरसिंग देवकत्ते (४०) यांनी सततची नापिकी व बॅंक कर्जाला कंटाळून दि.२८ मे रोजी गळफास लावून आत्महत्या केली होती. त्यांच्या वारसदार पत्नी श्रीमती रेणुका नागनाथ देवकत्ते यांना तहसील कार्यालय मुखेड येथे तहसीलदार राजेश जाधव यांच्या हस्ते १ लाख रूपयाचा धनादेश वाटप करण्यात आले. यासाठी आमदार डॉ. तुषार राठोड यांनी देवकते कुटुंबीयांची सांत्वन करत धनादेश मिळण्यासाठी प्रयत्न केले.
या प्रसंगी नाम फाऊंडेशनचे भाऊराव मोरे, उत्तम मुकाडे, सल्लागार साहेबराव जाधव सर, वारसदाराचा भाऊ माऊली धनगे, मेहुणा हसनाळकर यासाठी नाम फाऊंडेशनचा सक्रिय सहभाग होता. दस-याच्या मुहूर्तावर नाम फाऊंडेशन महाराष्ट्र पुणे कडून २५ हजाराचे सानुग्रह अनुदान सदरील वारसदारांना मिळाले होते.
About the Author
