मुखेड:( दादाराव आगलावे )
आगामी काळात होऊ घातलेल्या स्थानिकी स्वराज्य संस्थांच्या जिल्हा परिषद, पंचायत समिती आणि नगरपरिषदेच्या निवडणुकीसाठी भारतीय जनता पार्टीने आपल्या पक्षाचे उमेदवार निश्चित करण्यासाठी कोअर कमिटी गठीत केल्याची माहिती आमदार डॉ. तुषार राठोड यांनी आज पत्रकार परिषदेत दिली.
जिल्हा परिषद पंचायत समिती निवडणुकीसाठी कोअर कमिटी तर नगरपरिषद निवडणुकीसाठी दुसरी कोअर कमिटी गठीत केल्याचेही त्यांनी यावेळी सांगितले. दि. 27 ऑक्टोबर 2025 रोजी आमदार जनसंपर्क कार्यालयामध्ये मुखेड नगर परिषदेसाठी भाजपाकडून इच्छुक असलेल्या उमेदवारांचे अर्ज आणि मुलाखती घेण्यात येणार असल्याची माहिती ही आमदार महोदयांनी यावेळी दिली.
आगामी स्थानिक स्वराज्य संस्थांच्या निवडणुकीसाठी जिल्हा परिषद व पंचायत समितीच्या निवडणुकीसाठी भारतीय जनता पार्टीने कोअर कमिटी स्थापन केली असून या समितीमध्ये भाजपाचे विधानसभा प्रमुख एडवोकेट खुशालराव पाटील उमरदरीकर, भाजपा बाराहाळी- जांब मंडळाध्यक्ष बालाजी पाटील सकनुरकर,भाजपा चांडोळा-येवती मंडळाध्यक्ष व्यंकटराव जाधव वसुरकर, मुक्रमाबाद- एकलारा मंडळाध्यक्ष हेमंत खंकरे, पेठवडज कुरुळा अंबुलगा मंडळाध्यक्ष माधवराव मुसळे यांचा समावेश आहे. मुखेड नगर परिषदेच्या निवडणुकीसाठी भाजपाने माजी नगराध्यक्ष गंगाधरराव राठोड यांच्या नेतृत्वाखाली भाजपाचे राज्य कार्यकारणी सदस्य भाई चंद्रकांत गरूडकर, भाजपा मुखेड शहर मंडळाध्यक्ष नागनाथराव लोखंडे, राम सावकार पत्तेवार, किशोरसिंह चौहान आदींची एक समिती गठीत करण्यात आली असून या दोन्ही कोअर कमिटीचे सदस्य आगामी जिल्हा परिषद पंचायत समिती आणि नगरपरिषदेसाठी इच्छुक असणाऱ्या भाजपाच्या उमेदवारांचे अर्ज मागून त्यांच्या मुलाखती घेऊन योग्य उमेदवारांच्या नावांची शिफारस भाजपा जिल्हाध्यक्ष आणि आमदार डॉ. तुषार राठोड यांच्याकडे करतील.नगरपरिषद निवडणुकीसाठी दिनांक 27 ऑक्टोबर 2025 रोजी आमदार जनसंपर्क कार्यालयात इच्छुकांचे अर्ज स्वीकारून मुलाखती घेण्यात येणार असल्याची माहितीही मुखेड कंधार विधानसभेचे आमदार डॉ.तुषार राठोड यांनी आज पत्रकार परिषदेत दिली. पत्रकार परिषदेला माजी नगराध्यक्ष गंगाधरराव राठोड, विधानसभा प्रमुख एडवोकेट खुशालराव पाटील उमरदरीकर, भाजपा मंडळाध्यक्ष बालाजी पाटील सकनुरकर, व्यंकटराव जाधव वसुरकर, नागनाथराव लोखंडे, हेमंत खंकरे, माधवराव मुसळे, किशोरसिंह चौहान, राम सावकार पत्तेवार आदींची उपस्थिती होती.
About the Author
