कंधार : प्रतिनिधी
भारतरत्न बंकिमचंद्र चट्टोपाध्याय यांनी रचलेले राष्ट्रीय प्रेरणेचे गीत “वंदे मातरम्” या अमर गीतास ०७ नोव्हेंबर २०२५ रोजी १५० वर्ष पूर्ण झाले. या ऐतिहासिक सोहळ्याचे औचित्य साधून तहसील कार्यालय कंधार यांच्या वतीने तालुकास्तरीय वंदे मातरम् गीत गायन कार्यक्रम श्री शिवाजी हायस्कूल, कंधारच्या मैदानावर भव्यदिव्य वातावरणात संपन्न झाला.
हा कार्यक्रम सकाळी ९ ते १० या वेळेत झाला. कार्यक्रमाचे अध्यक्षस्थान तहसीलदार रामेश्वर गोरे यांनी भूषविले, तर प्रमुख पाहुणे म्हणून पोलीस निरीक्षक चंद्रकांत जाधव, बाबू गंजेवार, प्रा. डॉ. गंगाधर तोगरे, गटविकास अधिकारी महेश पाटील, अशोक गुट्टे, शिवा मामडे आदी मान्यवर उपस्थित होते.
श्री शिवाजी हायस्कूल, कंधारच्या विद्यार्थ्यांनी वंदे मातरम् गीतावर आधारित पथनाट्य व सामूहिक गायन सादर केले, ज्यास उपस्थितांनी भरभरून दाद दिली. संचालक म्हणून गोविंद महाराज मोरे यांनी विद्यार्थ्यांना मार्गदर्शन केले, तर गायन सादरीकरणासाठी विमलताई वडजे मोरे यांनी साथ दिली.
अध्यक्षीय समारोपात तहसीलदार रामेश्वर गोरे यांनी आपल्या मार्गदर्शनपर भाषणात वंदे मातरम् या गीताचे राष्ट्रभावना जागृत करणारे महत्व अधोरेखित केले. त्यांनी विद्यार्थ्यांना देशभक्ती, एकता व सामाजिक बांधिलकीची प्रेरणा घेण्याचे आवाहन केले.
या प्रसंगी उत्तम चव्हाण, ॲड. गंगाप्रसाद यन्नावार, मुख्याध्यापक सदाशिव आंबटवाड, उपमुख्याध्यापक घोरबांड , दत्तात्रय एमेकर, मिर्झा जमीर बेग , तसेच तालुक्यातील विविध शासकीय अधिकारी, पोलिस कर्मचारी, समिती सदस्य, पत्रकार, देशभक्त नागरिक व विद्यार्थी मोठ्या संख्येने उपस्थित होते.
कार्यक्रमाच्या शेवटी उपस्थितांनी वंदे मातरम् चा सामूहिक घोष करत भारतमातेप्रति अभिवादन केले. वातावरण देशभक्तीने भारून गेले होते.
शाळास्तरावर वंदेमातरम गायन
संत गाडगेबाबा शिक्षण संस्था कंधार संचलित येथील महात्मा फुले प्राथमिक शाळेत राष्ट्रीयगितास 150 वर्षे पूर्ण झाल्या प्रित्यर्थ आज सामुदाईक गायन करण्यात आले … यावेळी शिक्षिका सौ कागणे यु एम यांनी वंदे मातरम् चे गायन केले . भारत मातेचा जयजयकार करत शाळेत देश भक्तीची भावना जागृत झाली ..
*आज वंदे मातरम या राष्ट्रीय गीताला 150 वर्ष पूर्ण झाल्यानिमित्ताने श्रीमती गंगाबाई बालक मंदिर व प्राथमिक शाळा स्वप्नभूमीनगर, कंधार येथे सामूहिक वंदे मातरम गीत गायन घेण्यात आले, गायन करताना विद्यार्थी, सर्व शिक्षकवृंद व संपूर्ण स्टाफ……..*
मनोविकास विद्यालय शिक्षण संस्था,कंधार. संचलित मनोविकास प्राथमिक शाळा,कंधार येथे वंदे मातरम् राष्ट्रीयगितास 150 वर्षे पूर्ण झाल्या प्रित्यर्थ आज सामुदाईक गायन करण्यात आले … यावेळी सर्व शिक्षक व शिक्षकेतर कर्मचारी तसेच विद्यार्थी व पालक यांनी वंदे मातरम् चे गायन केले . भारत मातेचा जयजयकार करत शाळेत देश भक्तीची भावना जागृत झाली ..
लोकमान्य प्राथमिक शाळा भवानी नगर कंधार येथे वंदे मातरम् गीत सादर करण्यात आले. तसेच रविंद्रनाथ टागोर प्राथमिक शाळा कंधार 150 वषे झाले त्यामुळेवंद्वेमातरम म्हणुन घेण्यात आले आहे .
About the Author
