कंधार ; प्रतिनिधी
शिवा अखिल भारतीय वीर सेवा युवक संघटनेच्या वतीने गेल्या ३० वर्षापासून विविध क्षेत्रातील उत्कृष्ट काम करणाऱ्या मान्यवरांना पुरस्कार देऊन सन्मानित करण्यात येते. या संघटनेच्या पुरस्कारात राज्यातील उत्कृष्ट पत्रकाराचाही पुरस्कार देऊन त्यांचा सन्मान केला जातो.२०२५ चा दिला जाणारा शिवाराष्ट्रीय भूषण उत्कृष्ट पत्रकारिता पुरस्काराने त्यांना कपिलधार येथे शिवा संघटनेच्या मेळाव्यात राज्याचे सहकार मंत्री बाबासाहेब जाधव, शिवा संघटनेचे राष्ट्रीय अध्यक्ष तथा सेवा जनशक्ती पक्षाचे पक्षप्रमुख प्राध्यापक मनोहर धोंडे, आमदार अर्चनाताई पाटील चाकूरकर, यांच्यासह संत महंतांच्या उपस्थितीत कंधार येथील हिंदवी बाणाचे वृत्त निवेदक तथा दै वतनवाला वृत्तपत्राचे पत्रकार मोहम्मद सिकंदर यांना शिवा राष्ट्रीय भूषण पुरस्कार देऊन सन्मानित करण्यात आले.
शिवा संघटनेच्या वतीने गेल्या 30 वर्षापासून कार्तिकी शुद्ध पौर्णिमेच्या निमित्ताने बीड जिल्ह्यातील कपिलधारा येथे शिवा संघटनेचे राष्ट्रीय अध्यक्ष प्राध्यापक मनोहर धोंडे यांच्या माध्यमातून राज्यव्यापी मिळावा घेण्यात येतो. या मेळाव्यात विविध क्षेत्रातील उत्कृष्ट काम करणाऱ्या मान्यवरांना पुरस्कार देऊन त्यांचा सन्मान केला जातो. यामध्ये पत्रकारांचाही समावेश असून २०२५ च्या पत्रकार पुरस्कारांमध्ये कंधार येथील हिंदवी बाणाचे उत्कृष्ट निवेदक तथा दैनिक वतनवालाचे तालुका प्रतिनिधी मोहम्मद सिकंदर यांना शिवाराष्ट्रीय भूषण पुरस्कार देऊन सन्मानित करण्यात आले. त्यांचे सर्वच स्तरातून अभिनंदन व शुभेच्छांचा वर्षाव होत आहे.
शिवा राष्ट्रीय भुषण उत्कृष्ट पत्रकार पुरस्काराने सन्मानित करण्यात मी शिवा संघटनेचे राष्ट्रीय अध्यक्ष तथा सेवा जनशक्ती पक्षाचे पक्षप्रमुख प्रा मनोहर धोंडे सर व शिवा संघटनेचे सर्व पदाधिकाऱ्यांचे कृतज्ञता व्यक्त करतो.मला पत्रकारी क्षेत्रात वेळोवेळी मार्गदर्शन करणारे माझे ज्येष्ठ सहकारी पत्रकार हिंदवी बाणा लाइव्ह चे संपादक माधव भालेराव व माझी पत्नी, मित्रपरिवाराच्या सहकाऱ्यामुळे मला हा बहुमान मिळाला आहे मी हे कधीच विसरणार नाही – मोहम्मद सिकंदर
About the Author
