मुखेड: (दादाराव आगलावे)
मराठा सेवा संघाचे माजी जिल्हाध्यक्ष तथा शिक्षक नेते कार्यकर्ते रामदास पाटील जाधव उमरदरीकर यांना डीएसपी न्यूज चॅनल लाइव्हच्या वतीने दिला जाणारा “महाराष्ट्र भूषण ” पुरस्कार जाहीर झाला आहे. खटाव जिल्हा सातारा येथे छत्रपती उदयनराजे भोसले यांच्या हस्ते तर मंत्री ना.जयकुमार गोरे आणि मंत्री ना.दत्ता मामा भरणे यांच्या उपस्थितीत या पुरस्काराचे वितरण करण्यात येणार आहे.
वडूज ता. खटाव जि. सातारा येथील डीएसपी लाईव्ह न्युज चैनल यांच्यावतीने सामाजिक क्षेत्रात योगदान देणाऱ्या समाजसुधारकास महाराष्ट्र भूषण पुरस्कार देऊन गौरविण्यात येते. तालुक्यातील उमरदरी येथील रामदास पाटील जाधव यांनी मराठा सेवा संघाच्या माध्यमातून जिल्हाभरात सामाजिक संघटन उभे करत समाजाची वैचारिक मशागत करण्याचे कार्य केले. रामदास पाटील यांच्या सामाजिक चळवळीतील योगदानाची नोंद घेऊन हा पुरस्कार घोषित करण्यात आला. उद्या दिनांक नऊ नोव्हेंबर रोजी वडूज तालुका खटाव जिल्हा सातारा येथे भव्य समारंभात खासदार छत्रपती उदयनराजे भोसले, ना.जयकुमार गोरे, ना.दत्तामामा भरणे आदी मान्यवरांच्या उपस्थितीतया पुरस्काराचे वितरण करण्यात येणार आहे. सदर महाराष्ट्र भूषण पुरस्कार मिळाल्याबद्दल रामदास पाटील जाधव यांचे शिक्षक आमदार विक्रम काळे, आमदार सतीश चव्हाण, जनता शिक्षण प्रसारक मंडळाचे अध्यक्ष शिवाजीराव जाधव, रावसाहेब जाधव, नामदेव शिंदे, शिवराज पाटील सुर्यवंशी पांडुर्णीकर, हणमंत शेषराव डावकरे, कैलास माधसवाड यांच्यासह माधवराव पाटील माध्यमिक विद्यालय राजगड नगर नांदेड, कमला नेहरू कन्या शाळा राजगड नगर येथील कर्मचाऱ्यांनी अभिनंदन केले आहे.
About the Author
