मुखेड (दादाराव आगलावे)
तालुक्यातील अंबुलगा (बु) येथे दरवर्षी प्रमाणे यंदाही ग्राम कुलदैवत जागृत देवस्थान श्री खंडोबा यात्रेचे आयोजन करण्यात आले आहे. या यात्रेसाठी गावातील व परीसरातील भाविक भक्तांनी मोठ्या संख्येने उपस्थित राहावे असे आवाहन या यात्रेचे मानकरी शिवाजी बळवंतराव पाटील अंबुलगेकर व अंबुलगा समस्त ग्रामस्थांनी केले आहे.
अंबुलगा (बु) येथील पावन भूमीत जागृत देवस्थान नवसाला पावनारे व भाविकांची श्रध्दा असलेले श्री खंडोबा देवाची परंपरागत यात्रा मोहोत्सव या वर्षी ५ डिसेंबर शुक्रवार रोजी सायंकाळी श्री खंडोबा देवाचे जागरणाचा कार्यक्रम होईल .तसेच ६ डिसेंबर शनिवार रोजी श्री खंडोबा देवाची पालखी सोहळा अंबुलगा (बु) येथील प्रमुख रस्त्यावरून हळदी, भंडारा, खोबरे उधळण येळकोट- येळकोट जय मल्हार गजराने पालखी निघणार आहे. ७ डिसेंबर रविवार रोजी आंबुलगा (बु) येथील शहीद बिरसा मुंडा सभागृहाच्या मैदानावर सर्व गावकऱ्यांच्या सहकार्याने दुपारी १ वाजता पासुन जंगी कुस्तीचा फड रंगणार आहे .
या कुस्ती सामन्यासाठी प्रतिवर्षी प्रमाणे यंदाही आपल्या राज्यातील तसेच बाहेर राज्यातील पहेलवान येणार आहेत. परिसरातील सर्वांनी या यात्रेला उपस्थित राहून श्री खंडोबारायाचा आशीर्वाद घ्यावा आवाहन या यात्रेचे मानकरी शिवाजी बळवंतराव पाटील अंबुलगेकर व ग्रामस्थांनी केले आहे.
About the Author
