कंधार तालुका कॉपीमुक्त करण्यासाठी बैठे पथकांची स्थापन
कंधार : (दिगांबर वाघमारे )
दिनांक 10-02-2026 पासून 12 वी व दिनांक 20-02-2026 पासून 10 वी परीक्षा सुरू होते आहे. त्याअनुषंगाने कंधार तालुका कॉपीमुक्त करण्यासाठी तीन सदस्य असलेले बैठे पथक स्थापन दि.6 फेब्रुवारी रोजी करण्यात आले . सदरील बैठे पथक प्रमुख व सदस्य यांची बैठक तहसील कार्यालयात मा. उपविभागीय अधिकारी विलास नरवटे यांच्या अध्यक्षतेखाली घेण्यात आली.
सदरील बैठकीत मा. उपविभागीय अधिकारी विलास नरवटे यांनी बैठे पथकांनी परीक्षा केंद्रावर दक्ष राहून कॉपी मुक्त वातावरणात परीक्षा पार पाठवण्यासाठी आदेश दिले. त्याच बरोबर परीक्षा कालावधीत परीक्षा केंद्रावर काही अनुचित प्रकार निदर्शनास आल्यास बैठे पथक व केंद्र संचालक यांचेवर कार्यवाही करण्यात येईल असे सांगितले. त्याचबरोबर मा. तहसीलदार रामेश्वर गोरे यांनी उपस्थित सर्वांना कॉपी मुक्ती बाबत सविस्तर मार्गदर्शन केले. सदरील बैठकीचे प्रास्ताविक गटशिक्षणाधिकारी वसंत मेटकर यांनी केले व आभार प्रदर्शन मन्मथ थोटे स शि यांनी केले. सदरील बैठकीसाठी उपविभागीय अधिकारी कार्यालयातील नायब तहसीलदार उर्मिला कुलकर्णी , नायब तहसीलदार नंदकिशोर भोसिकर , नायब तहसीलदार उत्तम मुदिराज , तालुका कृषी अधिकारी प्रशांत कासराळे , व बैठे पथकातील सर्व केंद्र प्रमुख, मंडळाधिकारी सर्व ग्रामपंचायत अधिकारी, ग्राम महसूल अधिकारी व सहाय्यक कृषी अधिकारी उपस्थित होते.
About the Author
