कंधार : ( दिगांबर वाघमारे )
कंधार येथील प्रियदर्शनी माध्यमिक व उच्च माध्यमिक मुलींचे विद्यालयात माजी केंद्रीय गृहमंत्री कै. डॉ. शंकरराव चव्हाण यांच्या पुण्यस्मरण दिनानिमित्त अभिवादनाचा कार्यक्रम आदरपूर्वक पार पडला. यावेळी त्यांच्या प्रतिमेचे पूजन करून पुष्पहार अर्पण करण्यात आले व त्यांच्या कार्याला कृतज्ञतेने उजाळा देण्यात आला.
कार्यक्रमास कंधार तालुका (Indian National Congress) कमिटीचे अध्यक्ष संजय भोसीकर प्रमुख उपस्थित होते. त्यांच्या हस्ते डॉ. चव्हाण यांच्या प्रतिमेस पुष्पहार अर्पण करण्यात आला.
यावेळी बोलताना संजय भोसीकर यांनी डॉ. शंकरराव चव्हाण यांच्या राजकीय व सामाजिक कार्याचा गौरवपूर्ण उल्लेख केला. महाराष्ट्राच्या विकासात तसेच देशाच्या अंतर्गत सुरक्षा व्यवस्थेत त्यांनी दिलेल्या योगदानाची आठवण करून देत ते खऱ्या अर्थाने “जलनायक” होते, असे त्यांनी सांगितले. जनतेच्या कल्याणासाठी त्यांनी आयुष्यभर प्रामाणिकपणे काम केले आणि त्यांच्या कार्यातून आजच्या पिढीने प्रेरणा घ्यावी, असे आवाहनही त्यांनी केले.
कार्यक्रमाला विद्यालयातील प्राध्यापक, शिक्षक व शिक्षकेत्तर कर्मचारी उपस्थित होते. सर्वांनी त्यांच्या स्मृतींना अभिवादन करत त्यांच्या कार्याचा आदर्श विद्यार्थ्यांसमोर ठेवण्याचा संकल्प व्यक्त केला.कार्यक्रम शांततेत व भावपूर्ण वातावरणात पार पडला.
About the Author
