कंधार : प्रतिनिधी
तालुक्यातील उमरज ग्रामपंचायत अंतर्गत असलेल्या सोनमाळतांडा येथील कु.आरती कांतीलाल जाधव हिची नांदेड पोलीस दलात निवड झाल्याने तीचा श्री शिवाजी कॉलेजच्या वतीने सत्कार करण्यात आला आहे.कु.आरती जाधव हिने दहावीचे शिक्षण श्री शिवाजी हायस्कूल कंधार येथून पुर्ण केले.बारावी चे शिक्षण श्री शिवाजी कॉलेज कंधार येथून पुर्ण केले.पदवीचे शिक्षण चालू असताना जाधवने सैन्य दलात जाण्याचा निर्णय घेतला, जिद्द व कठोर मेहनत करून स्पर्धा परीक्षेची तयारी केली.आरतीने कुटुंबाच्या आर्थिक विवंचनेची जाणीव ठेवून अथक परिश्रम व जिद्दीने भरतीची तयारी करून आई-वडीलांचे स्वप्न साकार केले असून, आरती जाधव यांची नांदेड पोलिस दलात निवड झाल्यामुळे तीचा श्री शिवाजी कॉलेजच्या वतीने सत्कार करण्यात आला.
यावेळी महाविद्यालयाचे प्राचार्य डॉ.सुर्यकांत जोगदंड,विधी महाविद्यालयाचे प्राचार्य सुनिल आंबटवाड, पर्यवेक्षक प्रा.प्रदिप गरुडकर,प्रा.माधव ब्याळे, प्रा.सिमा देशमुख,प्रा.प्रदिप कोरे,प्रा.राम आडकिने,राम जाधव आदिंसह महाविद्यालयातील सर्व प्राध्यापक व शिक्षकेत्तर कर्मचारी उपस्थित होते.
About the Author
