वरिष्ठ शै. सल्लागार डॉ. यशवंत कलेपवार यांचे सहभागी होण्याचे आवाहन
मुखेड : (दादाराव आगलावे)
यशवंतराव चव्हाण महाराष्ट्र मुक्त विद्यापीठ, विभागीय केंद्र नांदेड व युवाशक्ती फाउंडेशन यांच्या संयुक्त विद्यामाने युवक-युवतींना रोजगाराच्या संधी उपलब्ध करून देण्यासाठी भव्य रोजगार मेळाव्याचे आयोजन करण्यात आले आहे. हा मेळावा दिनांक २७ मार्च रोज शुक्रवारी आयोजित करण्यात आला असून, विविध नामांकित कंपन्यांच्या माध्यमातून नोकरीच्या संधी उपलब्ध करून दिल्या जाणार आहेत. यशवंतराव चव्हाण महाराष्ट्र मुक्त विद्यापीठ, विभागीय केंद्र नांदेडचे वरिष्ठ शैक्षणिक सल्लागार डॉ. यशवंत कलेपवार यांनी सहभागी होण्याचे आवाहन केले आहे.
या रोजगार मेळाव्यात सुमारे २ हजार पेक्षा अधिक रिक्त पदांसाठी भरती प्रक्रिया राबविण्यात येणार आहे. नांदेड विभागातील (लातूर, हिंगोली, परभणी, नांदेड) विद्यार्थ्यांना या मेळाव्याचा विशेष लाभ होणार आहे. विविध शैक्षणिक पात्रता असलेल्या उमेदवारांसाठी संधी उपलब्ध असून, बारावी पास, आयटीआय (सर्व ट्रेड), डिप्लोमा – इलेक्ट्रिकल, मेकॅनिकल, इंजिनिअरिंग तसेच CNC ऑपरेटर, CIPET अशा विविध क्षेत्रांतील विद्यार्थ्यांना सहभागी होता येणार आहे.
सदर रोजगार मेळाव्यास उपस्थित राहणाऱ्या उमेदवारांनी स्वतःचा प्रवास खर्च करणे आवश्यक असून, निवड झालेल्या उमेदवारांना पुढील प्रक्रिया संबंधित कंपन्यांकडून पूर्ण करण्यात येणार आहे. महाविद्यालयांनी आपल्या विद्यार्थ्यांना या मेळाव्यासाठी प्रोत्साहित करून मार्गदर्शन करावे, असे आवाहन करण्यात आले आहे. मेळाव्यासाठी इच्छुक उमेदवारांनी खालील लिंकवरून नोंदणी करावी:
https://forms.gle/wQjzGTViQUdATqeY8
हा रोजगार मेळावा यशवंतराव चव्हाण महाराष्ट्र मुक्त विद्यापीठ विभागीय केंद्र नांदेड, मराठवाडा विद्यापीठ परिसर, नानकवाडी कमान, झरी रोड विष्णुपुरी नांदेड येथे पार पडणार आहे. अधिक माहितीसाठी संपर्क क्रमांक:
९१५७३२९४८४, ८२९९८४५९१०, ९८२२२२५८५८, ८२७५०३६२५३
या उपक्रमामुळे नांदेड जिल्ह्यातील युवकांना रोजगाराच्या नव्या संधी उपलब्ध होणार असून, विद्यार्थ्यांनी मोठ्या संख्येने सहभागी होऊन या सुवर्णसंधीचा लाभ घ्यावा, असे आवाहन वरिष्ठ शैक्षणिक सल्लागार डॉ. यशवंत कलेपवार यांनी
केले आहे.
About the Author
