नांदेड : (प्रतिनिधी)
लहुजी साळवे कर्मचारी महासंघ जिल्हा शाखा नांदेडची महत्त्वपूर्ण बैठक नुकतीच उत्साहपूर्ण वातावरणात पार पडली. या बैठकीत क्रांतिपिता महात्मा फुले व भारतरत्न डॉ. बाबासाहेब आंबेडकर यांच्या जयंतीनिमित्त दि. २६ एप्रिल २०२६ रोजी विविध सामाजिक, शैक्षणिक व प्रबोधनपर कार्यक्रमांचे आयोजन करण्याचा निर्णय सर्वानुमते घेण्यात आला.
बैठकीस महासंघाचे महासचिव मा. गुणवंत काळे, राज्य प्रवक्ते मा. चंद्रकांत मेकाले तसेच मार्गदर्शक व संघटक डॉ. एन. के. वाघमारे यांची विशेष उपस्थिती लाभली. त्यांच्या मार्गदर्शनामुळे बैठकीस दिशा मिळाली.सदर बैठकीचे अध्यक्षस्थान जिल्हाध्यक्ष मा. विजय रणखांब यांनी भूषविले. यावेळी कोषाध्यक्ष मा. बालाजी गुंडले, सहकोषाध्यक्ष मा. चंद्रकांत भांडवले, सहसचिव मा. शिवाजी मोरे, सिडको ग्रामीण अध्यक्ष मा. एस. एन. गजले, संघटक मा. एम. एम. बसवंते, मा. आकाश टोमके तसेच मा. रविंद्र वाघमारे, शिंदे सर आदी मान्यवर उपस्थित होते.
बैठकीत संघटनात्मक बळकटी, सामाजिक कार्याची व्याप्ती वाढविणे तसेच आगामी जयंती उत्सव अधिक प्रभावीपणे साजरा करण्याबाबत सविस्तर चर्चा करण्यात आली. विद्यार्थ्यांसाठी विविध स्पर्धा, व्याख्यानमाला, तसेच समाजप्रबोधनपर उपक्रम राबविण्यावर विशेष भर देण्यात आला.बैठकीचे प्रस्ताविक संघटनेचे सचिव मा. पी. एम. सूर्यवंशी यांनी केले, तर कोषाध्यक्ष मा. बालाजी गुंडले यांनी उपस्थितांचे आभार मानले.
या बैठकीत घेतलेल्या निर्णयांमुळे येणारी फुले-आंबेडकर जयंती मोठ्या उत्साहात व समाजोपयोगी उपक्रमांनी साजरी होणार असल्याचे स्पष्ट झाले.
About the Author
