मुखेड : (दादाराव आगलावे)
नगरपरिषद देगलूर येथे मुख्याधिकारी म्हणून कार्यरत असलेल्या नीलम कांबळे यांच्याकडे तात्पुरत्या स्वरूपात नगरपरिषद मुखेडच्या प्रभारी मुख्याधिकारीपदाची जबाबदारी सोपविण्यात आली आहे. त्यांनी नुकताच पदभार स्वीकारला असून, नगरपरिषद कार्यालयात त्यांचे उत्साहपूर्ण वातावरणात स्वागत करण्यात आले.
यावेळी नगराध्यक्ष प्रतिनिधी डॉ. अतुल देबडवार यांनी त्यांचे पुष्पगुच्छ देऊन स्वागत करत पुढील कार्यकाळासाठी शुभेच्छा दिल्या. नगरपरिषदेच्या प्रशासकीय कामकाजात त्यांचा अनुभव व कार्यपद्धती मुखेड शहराच्या विकासासाठी उपयुक्त ठरेल, असा विश्वास उपस्थितांनी व्यक्त केला.
स्वागत प्रसंगी नगर अभियंता उत्तम नारलावार, लेखपाल जोतीराम जाधव, कार्यालय अधीक्षक लक्ष्मण गिरी, रोखपाल शिवशंकर कुच्चेवाड, बलभीम शेंडगे, लेखापरीक्षक जालिंदर कडू, रचना सहाय्यक सचिन आंदेलवाड, करनिर्धारक किरण श्रीमनवार, अश्विनी बैस, लिपिक अशोक इंद्राळे, सय्यद हाफिज, भारत गाजलवाड, स्वप्नील देव, रफिक बागवान, इश्वर फुलवळकर, उमाकांत डांगे यांच्यासह नगरपरिषदेतील अनेक अधिकारी व कर्मचाऱ्यांनी उपस्थित राहून शुभेच्छा दिल्या. नीलम कांबळे यांनी यावेळी बोलताना नागरिकाभिमुख प्रशासन, स्वच्छता, पाणीपुरवठा व शहर विकासाच्या कामांना प्राधान्य देण्यात येईल, असे सांगितले. तसेच अधिकारी व कर्मचाऱ्यांच्या समन्वयातून नगरपरिषदेचे कामकाज अधिक प्रभावीपणे राबविण्याचा प्रयत्न राहील, असेही त्यांनी नमूद केले. प्रभारी मुख्याधिकारी नीलम कांबळे जास्त काळ राहून प्रलंबित असलेले कामकाज सुरळीत करतील अशी अपेक्षा मुखेड ग्रामस्थांच्या वतीने केली जात आहे.
About the Author
