कंधार : प्रतिनिधी
शालेय जिवना पासून विविध स्पर्धा परीक्षेत भाग घेऊन सकारात्मक प्रयत्न करत राहावे, कोणत्याही परीक्षेला न भिता वेळेचे नियोजन करावे अभ्यासात सातत्य ठेवावे यामुळे कोणताही स्पर्धा परीक्षेत हमखास यश मिळते असे प्रतिपादन कंधार येथिल सामाजिक कार्यकर्त्या तथा शासकीय गुत्तेदार वैजनाथ सादलापुरे यांच्या सुनबाई डॉ.मीनाक्षी सादलापूरे यांनी केले.
सौ.रंजना लुंगारे यांचे गरुडझेप कोचिंग क्लासेस नवामोंढा भवानीनगर कंधारच्या वतीने नवोदय स्कॉलरशिप श्रेया परीक्षेतील गुणवंत विद्यार्थ्यांचा गुणगौरव सोहळा श्री शिवाजी हायस्कूल पानभोसी रोड कंधार येथे संपन्न झाला.त्यावेळी विद्यार्थांना मागदर्शन करताना प्रमुख पाहुण्या डॉ.सौ.मीनाक्षी सादलापूरे ह्या बोलत होत्या.
कार्यक्रमाचे अध्यक्ष सेवानिवृत शिक्षक कृष्णा घुगे, प्रमुख पाहुणे महसूल अधिकारी सौ.मनीषा सुनील कांबळे आदी मान्यवर उपस्थित होते.सावित्रीबाई फुले यांच्या प्रतिमेचे पूजन करून बक्षीस वितरण करण्यात आले.शिष्यवृत्ती परीक्षेत शिष्यवृत्ती धारक विठ्ठल अंकुश पेटकर राज्यात तेरावा, जिल्हात तिसरा,कंधार तालुक्यात पहिल्या क्रमांकाने पास झाला तसेच प्रज्वल मुरलीधर हंकारे लोहा तालुक्यात प्रथम क्रमांकावर पास झाला.शौर्य उदयसिंग चव्हाण यांचा ट्रॉफी देऊन सत्कार करण्यात आला,तसेच श्रेया परीक्षेतील अनेक गुणवंत विद्यार्थ्यांचा प्रमुख मान्यवरांच्या हस्ते सत्कार करण्यात आला.यावेळी माणिक बोरकर यांनी कार्यक्रमाचे नियोजन केले होते.
About the Author
