कंधार : प्रतिनिधी
शिंदे गटाचे शिवसेना शहर प्रमुख सय्यद सादात यांनी पत्रकार नगर येथील सुरू केलेल्या जनसंपर्क कार्यालयाचे रविवारी दि.१० डिसेंबर रोजी शिवसेना अल्पसंख्याक आघाडीचे नांदेड जिल्हाप्रमुख अन्सारखाॅ पठाण यांच्या शुभ हस्ते उद्घाटन झाले.
पाथरी येथे दि. १० रोजी दुपारी २.३० ते ५.३० वाजेदरम्यान जिल्हा परिषद मैदानात नगर परिषदेच्या समोर शिवसेनेच्या वतीने भव्य नौकरी मेळावा व जाॅब काॅर्ड वाटपाचा कार्यक्रम आयोजित करण्यात आला असून या नौकरी मेळाव्यास कंधार शहरातील युवकांनी उत्स्फूर्त प्रतिसाद देत शेकडो युवकांचा ताफा कंधार शहरातून पाथरीकडे रवाना झाला असून त्याचे औचित्य साधून कंधार शहरातील अल्पसंख्यांक शहर प्रमुख सय्यद सादात यांच्या संपर्क कार्यालयाचे उद्घाटन यावेळी करण्यात आले
पाथरी येथील कार्यक्रमांचे उद्घाटन मुख्यमंत्री एकनाथ शिंदे यांचे पुत्र शिवसेना नेते खा. श्रीकांत शिंदे यांच्या हस्ते होणार असून यावेळी प्रमुख उपस्थिती कार्यक्रमांचे आयोजक तथा सईद भैय्या खान यांची राहणार असून संपर्क कार्यालयाच्या उद्घाटन प्रसंगी कंधार अल्पसंख्यांचे तालुका प्रमुख शेख आरेश, उमरीचे तालुका प्रमुख शेख मुजाहिद, उमरीचे शहर प्रमुख शेख मुखीम, अहमद शेख, असलम शेख, गजानन कपाळे, सय्यद जानीभाई, राहुल आगलावे, कपाळे माधव, माधव वाघमारे, सुरेश रत्नपारखे, अजमत मोमीन, मुखीद कुरेशी, आतीष गोंटे आदी पदाधिकारी व शिवसैनिक मोठ्या प्रमाणात उपस्थित होते.