कंधार: श्री संत निवृत्ती महाराज माध्यमिक विद्यालय, कंधार येथे वार्षिक स्नेहसंमेलन मेळाव्याचे आयोजन मोठ्या उत्साहात करण्यात आले. या कार्यक्रमास प्रमुख पाहुणे म्हणून श्री डॉ. स्वप्निल रणदिवे, ICC क्लासेसचे संचालक आदित्य गव्हाणे, तसेच महाराष्ट्र ग्रामीण बँकेचे मॅनेजर शिरफुले साहेब उपस्थित होते.
या कार्यक्रमात विद्यार्थ्यांनी विविध सांस्कृतिक आणि शैक्षणिक उपक्रमांमध्ये भाग घेतला. त्यांच्या उत्कृष्ट कामगिरीस प्रोत्साहन देण्यासाठी ICC क्लासेस तर्फे विद्यार्थ्यांना विशेष भेटवस्तू प्रदान करण्यात आल्या. विद्यार्थ्यांनीही या सन्मानाचा आनंद व्यक्त केला.
प्रमुख पाहुण्यांनी मार्गदर्शनपर भाषणे देत विद्यार्थ्यांना शिक्षणासोबतच व्यक्तिमत्त्व विकासावर भर देण्याचा सल्ला दिला. आयोजक मंडळ, शिक्षकवृंद, पालक आणि विद्यार्थी यांच्या सहकार्याने हा कार्यक्रम यशस्वीपणे पार पडला.
कार्यक्रमाच्या यशस्वी आयोजनासाठी विद्यालयाचे शिक्षक, कर्मचारी, आणि विद्यार्थी यांचे विशेष सहकार्य लाभले. हा मेळावा विद्यार्थ्यांसाठी प्रेरणादायी आणि आनंददायी ठरला. यावेळी शाळेचे मुख्याध्यापक श्री शिंदे सर,श्री नवनाथ तोरणे सर, श्री शिंदे सर, श्री गोटमवाड सर,श्री कंधारे सर, श्री आवटे मॅडम,श्री कदम सर,श्री हनुमंत सर, श्री कल्याणकर सर, माझे सहकारी श्री गजानन पांचाळ सर, दीपक मुंडे, विष्णू घुगे, प्रेम कदम, गणेश उगले , श्री बालाजी देवकांबळे मामा उपस्थित होते…!