कस्तुरीमृगाच्या बेंबीत सुगंध असतो आणि तो सगळीकडे सुगंधासाठी भटकत रहातो अशी अवस्था आपल्यातील बऱ्याच जणांची आहे का ?? .. बऱ्याचदा काउन्सिलिंग करताना याचा प्रत्यय येतो आणि मन खट्टु होतं.. निव्वळ लैंगिकतेवर चर्चा आणि अभ्यास न केल्याने विकृतीकडे झुकलेल्या समाजाला त्याच्या नजरेत असलेला दोष हा एखादा आयस्पेशालिस्ट दाखवू शकत नाही कारण हा दोष त्याच्या मानसिकतेत असतो आणि त्याची फळं तो भोगत रहातो.. जेव्हा तुम्ही मला ऐकता , लेखन वाचता तेव्हा सुध्दा बऱ्याच लोकांचा कल हा ज्ञान घेण्याकडे नसून नको त्या गोष्टीकडे असतो ज्याने माझा तोटा काहीही नाही उलट मौल्यवान वेळ वाया घालवून तुम्हीच तुमचे नुकसान करुन घेता..
दोन दिवसांपूर्वी एका व्यक्तीचं काउन्सिलींग केलं.. त्या व्यक्तीच्या आयुष्यात एका गोष्टीची कमी आहे ती म्हणजे सेक्स.. त्यांना म्हटलं उरलेल्या इतक्या गोष्टी आहेत त्याबद्दल तुम्ही कृतज्ञ असायला हवं ना किवा असलेल्या गोष्टीबद्दल आनंदी असायला हवं ना पण माणसे आपल्याकडे नसलेल्या गोष्टीने नाराज होतात आणि जगायला विसरतात.. त्यांचं नशीब इतकं चांगलं आहे कि त्यांना जैन बायको आहे जिच्यामुळे त्यांचा मांसाहार बंद झाला .. किती पुण्य आहे पहा पण तिला सेक्समधे इंटरेस्ट नाही ही त्यांची तक्रार आहे… सगळ्याच गोष्टी आपल्या कर्माने मिळतात त्यात लैंगिकतेने येणारं समाधानही आलं हे आपण अमान्य का करतो.. जे आणि जितकं नशीबात आहे ते मिळणारच आहे ..
माझा श्रीकृष्ण म्हणतो तसं नशीब आणि आयुष्य आहे तसं स्वीकारा .. त्यात बदल करायचा प्रयत्न केला तर त्याचं अस्तित्व बदलून दु:ख वाट्याला येतं.. मग अगदी दुर्योधन , द्रौपदी , भीष्म यांचीही यातून सुटका झाली नाही.. भगवंताने आपल्या कर्मानुसार प्रत्येकाला युनीक बनवलय आणि ह्याच वैविध्यामुळे आपण प्रत्येकजण एका स्तरावर काम करत असतो.. चप्पल तुटली कि चांभार लागतोच आणि झाडु मारायला माणूस लागतो , व्यक्ती कुठल्याही पदावर काम करत असली तरीही तिला इतर अनेक व्यक्तीची गरज लागते अशा वेळी गर्व , अहंकार नसतील आणि दुसऱ्याबद्दल चांगल्या भावना मनात असतील तर आपण सदैव उच्च स्थानी रहातो.. आपल्याकडे असलेल्या गोष्टीचा शोध घेतानाही कृष्णालाच सेंटर ठेवून वागलो तर सर्वत्र फक्त आनंदच दिसेल.. स्वतःकडे जे आहे त्यावर लक्ष देउन काम केलं तर दुसऱ्याकडे काय आहे यात लक्षच जाणार नाही..
#SonalSachinGodbole
#Animal communicator
#Sonalcreations my youtube channel
#SexEducation as a counseller
#Proudtobeatranswoman book
#Beyondsex novel
#fantacies_and_beauties_in_sex novel
#Anira novel
#Indradhanu book
#13000km my journey..book
#Sexsercise
#Love
#Romantic
#स्पर्श
#extra_marritial_affair
#MarathiActress
#socialworker
#premavarbolukahi चारोळ्यासंग्रह
#Abhisarika काव्यसंग्रह
#counseller
#Nutritionist
About the Author
