(कंधार: प्रतिनिधी )
कंधार तालुक्यातील पानशेवडी परिसरातील मिठू भुकीया महाराज गडाच्या विकासासाठी शासनामार्फत निधी उपलब्ध करून देण्यासाठी प्रयत्नशील असेल, असे मुख्यमंत्री सहायता कक्षाचे प्रमुख रामेश्वर नाईक यांनी गडावरील उपस्थित बंजारा बांधवांना शब्द दिला आहे.दिनांक १७ एप्रिल २५ रोज गुरुवारी मुख्यमंत्री सहाय्यता कक्षाचे प्रमुख रामेश्वर नाईक यांनी कंधार तालुक्यातील पानशेवडी परिसरातील मिठू भुकीया गडाला सदिच्छा भेट देऊन दर्शन घेतले.
तालुक्यातील पानशेवडी येथील बंजारा समाजाचे संत मीठुभूकिया महाराज गड येथे नुकतीच बंजारा समाजाची नायक – कारभारी, पुजारी परिषद पार पडली. मराठवाड्यातून पारंपारिक वेशभूषेमध्ये नायक – कारभारी, पुजारी यांनी मोठ्या प्रमाणात कार्यक्रमाला हजेरी लावून संतांचे दर्शन घेतलेपहिल्यांदाच भव्य दिव्य स्वरूपाचा कार्यक्रम या गडावर झाला,आणि राज्यभर मिटूभुकीया या गडाची चर्चा झाली. मुख्यमंत्री सहायता कक्षाचे प्रमुख रामेश्वर नाईक नांदेड येथे बैठकीसाठी आले होते,नांदेड येथील कार्यक्रम आटोपून गडावर दर्शनासाठी आले, व संत सेवालाल महाराज, जगदंबा देवी, संत रामराव महाराज, संत मीठूभुकीया महाराज यांचे दर्शन श्री नाईक यांनी घेतले.
याप्रसंगी परीसरातील पानशेवडी, तळ्याचीवाडी, बिजेवाडी, ढाकूतांडा, खेमातांडा, रामातांडा, गणपुरतांडा, भोजू तांडा, देवलातांडा, गणातांडा येथील नायक कारभारी तसेच सरपंच, यांच्यासह मोठ्या संख्येने नागरिक उपस्थित होते.
या प्रसंगी परिसरातील सरपंच यांनी विकास कामासाठीचे निवेदन देऊन गडाच्या विकासाच्या संदर्भात मिठूभुकीया महाराज गडावर दर पौर्णिमेला भंडारा होत असतो, दसरा उत्सव, कृष्ण जन्माष्टमी, होळी महोत्सव, संत सेवालाल महाराज जन्मोत्सव, असे अनेक कार्यक्रम या ठिकाणी होतात.यासाठी विकासापासून वंचित असणाऱ्या या गडाचा विकास व्हावा, म्हणून रामेश्वर भाऊ नाईक यांनी पुढाकार घ्यावा, अशी विनंती भगवान राठोड यांनी केली.
यावेळी बोलताना रामेश्वर नाईक यांनी गडाच्या विकासाच्या संदर्भामध्ये प्रयत्न करून नक्की या ठिकाणच्या विकासामध्ये शासन निधी उपलब्ध करून देण्यासाठी प्रयत्न करणार असल्याचा शब्द समाज बांधवांना दिला.
यावेळी सेवानिवृत्त मुख्य कार्यकारी अधिकारी गुलाब सिंग राठोड, लक्ष्मणराव जाधव, विठ्ठलराव जाधव, सरपंच प्रभाकर केंद्रे, सरपंच कोंडीबा मोरे, प्रवीण पवार, विनोद राठोड, बंडू राठोड, प्रकाश पवार, विठ्ठल राठोड, आनंद राठोड,, ॲड.भगवान जाधव, श्रीराम जाधव, अंकुश पवार मधुकर राठोड, संतोष राठोड यांच्यासह परिसरातील स्वयंसेवक उपस्थित होते
About the Author
