कंधार:प्रतिनिधी
समाजिक कार्यकर्ते तथा भाजपा जिल्हा उपाध्यक्ष भगवान राठोड यांनी आपल्या चिरंजीवाचा वाढदिवस हा परभणी जिल्ह्यात असलेल्या पालम तालुक्यातील केरवाडी येथील “स्वप्नभूमी अनाथ बाल गृहात” साजरा करून, उपस्थित बालगृहातील विद्यार्थी – विद्यार्थिनींना स्नेहभोजन देऊन, संस्थेस अनाथ मुलांच्या भावी शैक्षणिक कार्यासाठी देणगी स्वरूपात रोख रक्कम देण्यात आली.
भगवान राठोड हे वाडी तांड्यावर विविध समाजिक व समाज उपयोगी कार्य करण्याचा प्रयत्न करत असतात, गेल्या अनेक वर्षा पासून समाज सेवा हा मुख्य केंद्र बिंदू ठेवून, काम करणारे कार्यकर्ते म्हणून परिचित आहेत.
राठोड यांनी आपल्या मुलाचा वाढदिवस हा बालगृहात साजरा करून याचा परिचय दिला, तांडयावर राहणाऱ्या जेष्ठ महिलांना थंड पाणी पिण्याची सोय व्हावी, म्हणून मातीचे माठ भेट म्हणून वाटप करून,आपला मुलगा लक्खीशाहनायक भगवान राठोड यांचा ५ वा जन्मदिन हा केरवाडी ता. पालम जि. परभणी येथील “स्वप्नभूमी” या ठिकाणी असलेल्या अनाथ मुलांच्या “बालगृहात” साजरा करण्यात आला.
यावेळी संस्थेचे संस्थापक सूर्यकांत कुलकर्णी, विजय पवार, प्रभाकर केंद्रे, युवराज शिंदे, सौं, स्वप्नाली भगवान राठोड, नामदेवराव चव्हाण, सौं सुनीता चव्हाण, दशरथ राठोड, लहू राठोड, अनिल गायकवाड, श्री जाधव, यांच्या सह मित्र परिवार व बालगृहातील कर्मचारी, विद्यार्थी – विद्यार्थिनी यांची मोठ्या संख्येने उपस्थिती होती.
About the Author
