कंधार ; (दिगांबर वाघमारे )
कंधार येथील प्रसिद्ध सुफी संत हजरत सय्यद शाह शेख अली सांगडे सुलतान मुश्किल आसान रह यांच्या ५९२ व्या उरूसाला दि.३ ऑगस्ट २०२५ रविवार रोज पासून प्रारंभ होणार आहे. तीन दिवस चालणाऱ्या उरुसा निमित्त विविध धार्मिक कार्यक्रमांचे आयोजन करण्यात आले असल्याची माहिती सय्यद शहा अनवारुल्लाह हुसैनी , रफाई कादरी सज्जादा नशीन व मत्वली दर्गा हजरत सांगडे सुलतान मुश्किल आसान रहे. यांनी पत्रिकेद्वारे माहिती दिली आहे.प्रेम, शांती आणि बंधुत्वाची शिकवण देणारे महान सुफी संत हजरत शेख अली सांगडे सुलतान मुश्किल आसान रहे यांचा दर्गाह एक जाज्वल्य देवस्थान म्हणून सर्व दुर प्रसिद्ध आहे. दर्गाहच्या दर्शनासाठी महाराष्ट्रासह इतर राज्यातून भाविक भक्त मोठ्या संख्येने येत असतात. सांगडे सुलतान यांचा उरूस धुमधडाक्यात भरवण्यात आला.
दर्गाचे सज्जादा मशीन व मुतवल्ली सय्यद शाह अनवारुल्लाह हुसैनी रफाई कादरी यांच्या प्रमुख नेतूत्वाखाली (उपस्थित)दि ३ ऑगस्ट रविवार रोजी संध्याकाळी असरच्या नमाजपठण ५ : ३० वाजता संदल मिरवणूकीस प्रारंभ होणार आहे, त्याच दिवशी रात्री १० वाजता दर्गाह परिसरात सुफी संत यांच्या महान कार्य व आणि त्यांचा संदेश या विषयावर प्रबोधनात्मक संवाद ,दि ४ ऑगस्ट रोजी सकाळी ७ वाजता फातेहा व लंगर प्रसादाचे वाटप, त्याच दिवशी संध्याकाळी बाद नमाज मगरीब नंतर धार्मिक विधी संपन्न होणार आहे.तर दि ५ ऑगस्ट २०२५ रोजी सायंकाळी ५ : ३० वाजता हजरत सय्यद शहा अजीमुद्दीन (शहा धडक )रहमतुल्लाह आलैह आणि सय्यद शहा मोईनोद्दीन (शाह कडक) रहमतुल्ला आलैह यांचा संदल मिरवणूक व फातेहाखाणीचा कार्यक्रम असणार आहे. सलग तीन दिवस चालणाऱ्या उर्स कार्यक्रमास येणाऱ्या भक्त भाविकांनी कायदा व सुव्यवस्था अबाधित ठेवण्यासाठी पोलीस प्रशासन व दर्गाह कमिटीस सहकार्य करावे असे आवाहन सय्यद शहा अनवारुल्लाह हुसैनि, राफाई कादरी सज्जादा नशीन व मुतवल्ली दर्गा हजरत सांगळे सुलतान मुश्किल आसान रहमतुल्लाह आलैह कंधार यांनी केले आहे.
About the Author
