फुलवळ (धोंडीबा बोरगावे )
कंधार तालुक्यातील फुलवळ येथील जाज्वल देवस्थान म्हणून परिचय असलेल्या श्री क्षेत्र महादेव मंदिरात पवित्र श्रावण मास निमित्ताने ता. ११ ऑगस्ट सोमवार ते ता. १८ ऑगस्ट सोमवार या कालावधीत विविध धार्मिक कार्यक्रमांचे आयोजन करण्यात आले असून फुलवळ सह परिसरातील भाविकांनी याचा लाभ घेऊन जीवन कृतार्थ करून घ्यावे असे फुलवळ वासीयांकडून प्रसिद्धी पत्रकाद्वारे आवाहन करण्यात आले आहे.
आयोजित नामयज्ञ सोहळ्यातील दैनंदिन कार्यक्रम असे , दररोज पहाटे ५ ते ६ शंभो महादेवाचा रुद्राभिषेक व १०८ बेल अर्चन सोहळा , सकाळी ९ ते ११:३० शिवलीलामृत ग्रंथाचे सामुदायिक पारायण , दुपारी १ ते ३ शिवपुराण कथा , दुपारी ३ ते ५ महाप्रसाद , रात्री ८ ते १० हरिकीर्तन त्यानंतर रात्री भजनाचा जागर.
शिवपुराण कथा ही शि.भ.प. स्वातीताई दापकेकर यांच्या मंजुळ वाणीतून संगीतमय वातावरणात श्रोत्यांना ऐकावयास मिळणार आहे. तर या सप्ताहात दैनंदिन कीर्तनकार म्हणून अनुक्रमे बाबू महाराज स्वामी फुलवळकर , तुळशीराम महाराज गिरे गऊळकर , देविदास महाराज गित्ते माळाकोळीकर , मोतीराम महाराज उमरथडीकर , गोविंद महाराज आंबूलगेकर , माधव महाराज घागरदरेकर , सखाराम महाराज बोरीकर , परमेश्वर महाराज कंधारकर आदी सर्वांची उपस्थिती लाभणार आहे.
About the Author
