१० ऑगस्ट २०२५ हा दिवस शिक्षणतज्ञ पंडित शंकरराव भुरे यांच्यासाठी आणि त्यांच्या विद्यार्थ्यांसाठी विशेष ठरला. कारण, वयाच्या ७७ व्या वर्षी त्यांचा “पहिला वाढदिवस” अनोख्या पद्धतीने नांदेड येथील श्री अपार्टमेंट, उल्हासनगर येथे साजरा करण्यात आला. हा सोहळा केवळ शुभेच्छा आणि केकपुरता मर्यादित नव्हता, तर तो झाला एक शैक्षणिक मंथनाचा मंच. — युगसाक्षी परिवारातर्फे खुप खुप शुभेच्छा
📚 जीवनाची प्रेरणादायी वाटचाल ;
कंधार तालुक्यातील दिग्रस गावातील पंडित भुरे सरांनी केवळ १८ वर्षांचे असतानाच शिक्षक म्हणून कारकीर्द सुरू केली. त्यानंतर तब्बल ४१ वर्षांची अखंड सेवा बजावत त्यांनी हजारो विद्यार्थ्यांचे जीवन घडवले. श्री शिवाजी शिक्षण संस्थेत मुख्याध्यापक पदावर त्यांनी जबाबदारी सांभाळली. १९७२ साली त्यांनी नांदेड येथे उच्च शिक्षण घेत ग्रॅज्युएशन पूर्ण केले.
जेष्ठ स्वातंत्र्यसैनिक, माजी आमदार व खासदार भाई डॉ. केशवराव धोंडगे यांच्या प्रेरणेने शिक्षक म्हणून कारकीर्द सुरू करण्याची संधी मिळाल्याची आठवण सरांनी यावेळी सांगितली. त्यांचा पहिला पगार फक्त ८५ रुपये होता, पण त्या काळी ती मोठी रक्कम मानली जायची. आज त्यांच्या शेकडो विद्यार्थी देशसेवेत विविध क्षेत्रांत कार्यरत आहेत, हेच त्यांच्या कारकीर्दीचे खरे पारितोषिक आहे.
💬 शैक्षणिक आणि सामाजिक चर्चासत्र ;
वाढदिवसाच्या सोहळ्यात केवळ आठवणींना उजाळा मिळाला नाही, तर शैक्षणिक वाटचालीवर, कला-संस्कृती, राजकारण आणि समाजकारण यावरही सखोल चर्चा झाली. यावेळी डॉ. संजय शहारे, पत्रकार दिगंबर वाघमारे, कैलास बारसे, साहेबराव पेन्टलवार , राजेश्वर स्वामी हानमंतराव शिराळे , गुडमेवार आदी मान्यवर उपस्थित होते. त्याचवेळी कंधार तालुक्यातील दिग्रस (ब्रु ) चे सरपंच शंकरराव पाटील , चेअरमन वैजनाथ ( सुनिल )चिद्रावार , पोलीस पाटील नागेश जोगपेटे , राम यानभुरे ,आदीनी आर्वजून उपस्थित होते .
🎂 ‘पहिल्या’ वाढदिवसाचा आनंद ;
आयुष्यभर वाढदिवस न साजरा केलेले पंडित भुरे सर म्हणाले, “आज वयाच्या ७७ व्या वर्षी पहिल्यांदा माझा वाढदिवस साजरा होत आहे. ही केवळ आनंदाची गोष्ट नाही, तर माझ्या आयुष्यातील एक अविस्मरणीय क्षण आहे.”
कार्यक्रमाच्या शेवटी सर्व उपस्थितांनी त्यांना दीर्घायुष्य, उत्तम आरोग्य आणि निरंतर सामाजिक-शैक्षणिक सेवेसाठी शुभेच्छा दिल्या. हा वाढदिवस खरोखरच ‘ज्ञानोत्सव’ ठरला.
दिगांबर वाघमारे ,
पत्रकार नांदेड
९९६०८४९८९४
About the Author
