कंधार ; प्रतिनिधी
दरवर्षी विविध नाविन्यपूर्ण उपक्रमातून रक्षाबंधन साजरा करणाऱ्या रविंद्रनाथ टागोर प्राथमिक शाळेत यावर्षी “एक राखी सैनिकांसाठी, देशाच्या संरक्षणासाठी” या उपक्रमातून रक्षाबंधन सण साजरा करण्यात आला यावेळी आजी माजी सैनिक बालाजी चुकलवाड, पोचीराम वाघमारे, बापुराव कल्याणकर, गोविंदराव सुर्यवंशी,मधुकर राठोड, यांच्यासह माजी पंचायत समिती सदस्य उत्तमराव चव्हाण, पत्रकार शुभम केंद्रे, सागर डोंग्रजकर, संस्थेचे सचिव गंगाप्रसाद यन्नावार, मुख्याध्यापक एस जी मुंडे, सहशिक्षक रोहिदास सुर्यवंशी,एकनाथ तिडके, राजीव होंडाळे, तारकेश तपासे, श्रीमती शेख वाय आय,मंजुषा यन्नावार यांच्यासह विद्यार्थी व मान्यवर उपस्थित होते.
यावेळी विद्यार्थ्यांनी आजी माजी सैनिकांना राखी बांधत देशाच्या रक्षणासाठी खडतर परिश्रमाबद्दल सैनिकांप्रति कृतज्ञता व्यक्त केली. यावेळी आजी माजी सैनिकांच्या वतीने विद्यार्थ्यांना भेटवस्तू देण्यात आली, शाळेच्या वतीने मान्यवरांचा तिरंगा ध्वजाची प्रतिकृती देऊन सन्मान करण्यात आला. व विद्यार्थिनी सैनिक व माजी सैनिकांना राख्या बांधल्या.
यावेळी माजी सैनिक संघटनेचे जिल्हाअध्यक्ष बालाजी चुकलवाड व भारतीय सैनिक जवान मधुकर राठोड यांनी विद्यार्थ्यांना व उपस्थितांना रक्षाबंधनच्या शुभेच्छा दिल्या तर उत्तम चव्हाण यांनी विद्यार्थ्यांच्या अनोख्या उपक्रमाचे कौतुक केले.
संस्थेचे सचिव गंगाप्रसाद यन्नावार यांनी प्रास्ताविकातुन शाळेत राबविण्यात येणाऱ्या विविध सामाजिक उपक्रम व शैक्षणिक प्रगतीची माहीती दिली व उपस्थितांचे आभार मानले.महात्मा फुले प्राथमिक शाळेत रक्षाबंधन कार्यक्रम
संत गाडगेबाबा शिक्षण संस्था संचलित कंधार येथील महात्मा फुले प्राथमिक शाळेत रक्षाबंधन कार्यक्रम आयोजित करण्यात आला होता. त्यावेळी चिमुकल्या भगणीनी राखी बांधल्या तर मुलांनी बहिणींना चॉकलेट व पेन दिले. यावेळी संत गाडगेबाबा शिक्षण संस्थेचे संस्थापक अध्यक्ष प्रा डी एन केंद्रे ,सचिव चेतनभाऊ केंद्रे,यांनी शुभेच्छा दिल्या.शाळेचे मुख्याध्यापक वाघमारे डी जी , सौ कागणे यु एम , श्री आगलावे ए बी , श्री केंद्रे आर एस , माणिक बोरकर यांची उपस्थिती होती.
About the Author
