कंधार ; (दिगांबर वाघमारे )
आझादी का अमृत महोत्सव अंतर्गत हर घर तिरंगा अभियान २०२५ अनुषंगाने दि .१३ ऑगस्ट रोजी संत गाडगेबाबा शिक्षण संस्था कंधार संचलित कंधारच्या महात्मा फुले प्राथमिक शाळेत टाकाऊ वस्तूंपासून टिकाऊ पदार्थ तयार करणे,व तिरंगा रांगोळी स्पर्धा कंधार नगरपरिषदेचे प्रशासक तथा तहसिलदार श्री रामेश्वर गोरे व मुख्याधिकारी श्री संदिप भोळे यांच्या मार्गदर्शनाखाली कार्यक्रम घेण्या्त आल्या .विद्यार्थांनी या दोन्ही स्पर्धेला भरभरून प्रतिसाद दिला .
महात्मा फुले प्राथमिक शाळेत दि १३ रोजी सकाळी ७:३० वाजत मुख्याध्यापक वाघमारे डी जी यांच्या हस्ते ध्वजारोहण करण्यात आले व नंतर संत गाडगेबाबा शिक्षण संस्था कंधार च्या संचालिका तथा कंधार नगर पालीकेच्या माजी नगराध्यक्षा अनुसया चेतन केंद्रे यांच्या हस्ते स्पर्धाचे फित कापून उदघाटन करण्यात आले.यावेळी प्रमुख अतिथी म्हणून कंधार नगरपालीकेचे स्वच्छता निरक्षक राजेश जोंधळे,सचिन मयसन्ना ,संदिप जाधव आदी मान्यवर उपस्थित होते .
टाकाऊ वस्तूंपासून टिकाऊ पदार्थ तयार करणे ,तिरंगा रांगोळी स्पर्धा या स्पर्धेत इयत्ता पहिली ते चौथी च्या चिमुकल्यांनी कपट व कागद,आईसक्रीम कांड्या मोराचे पिस,माती, कापूस , नारळाची कवटी ,वनस्पतीचे पान,फुल ,आदि टाकाऊ वस्तूंपासून गृह उपयोगी वस्तू विद्यार्थांनी व शिक्षकांनी बनवल्या . उपस्थित मान्यवरांनी परीक्षण करून गुणदान केले .या स्पर्धेत प्रथम क्रमांक कु नक्षत्रा मयसना , द्वितीय सुप्रिया बालाजी गुंडाळे ,तृतीय पुजा आईतवाड ,आणि उत्तेजनार्थ पारितोषिक निरव कुरुडे यांनी प्राप्त केले .
तर तिरंगा रांगोळी स्पर्धेत प्रथम कु.प्रांजली एकनाथ गायकवाड,तर द्वितीय कु.अनुष्का विलास वाघमारे हिने क्रमांक पटकाविला.यावेळी कंधार नगर पालीकेच्या माजी नगराध्यक्षा अनुसया चेतन केंद्रे यांनी विद्यार्थांना स्वच्छते बाबत मार्गदर्शन केले,बालवयातच संस्कार घडतात त्यामुळे कंधार नगरपालिकेने हा उपक्रम राबविला त्या बद्दल या उपक्रमाचे कौतुक केले .तर स्वच्छता निरीक्षक राजेश जोंधळे,यांनी संत गाडगेबाबा शिक्षण संस्थेचे संस्थापक अध्यक्ष प्रा डी एन केंद्रे ,सचिव चेतन भाऊ केंद्रे यांनी महात्मा फुले शाळा उपलब्ध करून दिल्या बद्दल त्यांचे आभार व्यक्त केले . मुख्याध्यापक वाघमारे डि जी ,शिक्षीका सौ कागणे यु एम,आगलावे ए बी ,केंद्रे आर एस , माणिक बोरकर,मेघा जाधव आदीनी परिश्रम घेतले .
#हर_घर_तिरंगा अभियान 2025 अंतर्गत रांगोळी स्पर्धा..
About the Author
