मुखेड | प्रतिनिधी
मुखेड तालुक्यातील मुक्रमाबादसह परिसरातील अनेक गावांना अतिवृष्टी व ढगफुटीमुळे पुराचा मोठा फटका बसला. लाखो रुपयांचे नुकसान, पिके पाण्याखाली, घरांची पडझड आणि पाच नागरिकांचा मृत्यू या संकटामुळे संपूर्ण भाग हवालदिल झाला आहे.
Maharashtra Flood Relief
अशा परिस्थितीत पूरग्रस्तांना धीर देण्यासाठी खासदार डाॅ. अजित गोपछडे यांनी हसनाळ व रावणगाव या गावांना भेट दिली. नुकसानीची प्रत्यक्ष पाहणी करून त्यांनी पूरग्रस्तांसाठी आपल्या खासदार निधीतून 20 लाख रुपयांची मदत जाहीर केली.
सरकार मदतीसाठी कटिबद्ध
या वेळी बोलताना खा. गोपछडे म्हणाले –
“पूरग्रस्तांनी घाबरू नये. केंद्रातील पंतप्रधान नरेंद्र मोदी आणि राज्यातील मुख्यमंत्री देवेंद्र फडणवीस यांच्या नेतृत्वाखालील सरकार जनतेच्या पाठीशी खंबीरपणे उभे आहे. मदत मिळवून देण्यासाठी आपण कटिबद्ध आहोत.”
🌊 ढगफुटीमुळे मोठे नुकसान
हसनाळ, रावणगाव या गावांना पुराचा तडाखा
५ नागरिकांचा बळी, शेकडो जनावरे मृत
लाखो हेक्टरवरील पिके पाण्याखाली
घरांची पडझड, शेतकरी संकटात
—–
🎁 पूरग्रस्तांसाठी मदत साहित्य
खासदार निधीतून पूरग्रस्तांना गॅस सिलेंडर, स्वयंपाकघरातील भांडी आणि संसारोपयोगी साहित्य पुरवण्यात येणार असल्याचे खा. गोपछडे यांनी सांगितले.
—–
👥 उपस्थित मान्यवर
या पाहणीवेळी उपजिल्हाधिकारी अनुप पाटील, तहसीलदार राजेश जाधव, शादुल पटेल, राजू पाटील रावणगावकर, राम पाटील भाटापूरकार, शिवराम आप्पा हसनाळे, प्रदीप पाटील, तुकाराम सुडके, बालाजी ढोसणे, त्र्यंबक पाटील यांच्यासह स्थानिक नागरिक मोठ्या संख्येने उपस्थित होते.
About the Author
