कंधार | (दिगांबर वाघमारे )
ब्रह्माकुमारीज संस्थेच्या माजी मुख्य प्रशासिका राजयोगिनी दादी प्रकाशमणी यांच्या १८ व्या पुण्यतिथी (दादी प्रकाशमणी पुण्यतिथी 2025 )(२५ ऑगस्ट २०२५) आणि विश्वबंधुत्व दिनाच्या निमित्ताने संस्थेतर्फे भारत व नेपाळात एकाच वेळी रक्तदान महाअभियान राबवले जात आहे. या उपक्रमांतर्गत एक लाख युनिट रक्तदानाचा संकल्प करण्यात आला असून गिनीज बुक ऑफ वर्ल्ड रेकॉर्ड नोंदविण्याची तयारी सुरू आहे.
या महाअभियानाचा राष्ट्रीय शुभारंभ १७ ऑगस्ट रोजी नवी दिल्ली येथे केंद्रीय आरोग्य मंत्री जे. पी. नड्डा यांच्या हस्ते झाला. JP Nadda Blood Donation Launch त्यानंतर देशभरातील सहा हजारांहून अधिक सेवा केंद्रांवर २२, २३, २४ आणि २५ ऑगस्ट रोजी भव्य रक्तदान शिबिरे आयोजित करण्यात येणार आहेत.
—–
🩸 सहकार्य संस्थांचा सहभाग
समाज सेवा प्रभागाचे राष्ट्रीय संयोजक बी. के. अवतार भाई यांनी सांगितले की, या महाअभियानासाठी भारत सरकारचे आरोग्य व कुटुंब कल्याण मंत्रालय, जिल्हा रक्तपेढी, सरकारी रुग्णालये, वैद्यकीय महाविद्यालये, रोटरी इंटरनॅशनल क्लब, लायन्स क्लब, ISBTI आदी संस्थांचे सहकार्य लाभणार आहे.
Brahma Kumaris Blood Donation Camp
—–
🌍 वर्ल्ड रेकॉर्डसाठी प्रयत्न
Blood Donation India 2025 या अभियानात एक लाख युनिट रक्तदानाचे लक्ष्य ठेवण्यात आले आहे. एखाद्या आध्यात्मिक संस्थेतर्फे एवढ्या मोठ्या प्रमाणावर रक्तदान महाअभियान प्रथमच राबवले जात असल्याने गिनीज बुक ऑफ वर्ल्ड रेकॉर्ड नोंद होणार आहे.
—
📲 गुगल मॅपद्वारे मॉनिटरिंग
समाज सेवा प्रभागाचे मुख्यालय संयोजक बी. के. वीरेंद्र भाई यांनी सांगितले की, प्रत्येक सेवा केंद्रावरील शिबिरांची गुगल मॅप व ऑनलाईन फॉर्मद्वारे मॉनिटरिंग केली जाणार आहे. त्यामुळे रक्तदान महाअभियानानंतर सर्व डेटा संकलन सुलभ होईल. महाराष्ट्रातही विविध सेवाकेंद्रांतून रक्तदान शिबिरे होणार असल्याची माहिती डॉ. सोमनाथ वडनेरे, राज्य माध्यम समन्वयक यांनी दिली.
—
📍 कंधार येथे रक्तदान शिबिर
स्थानिक उपसेवाकेंद्र कंधारतर्फे दि. २५ ऑगस्ट २०२५ रोजी सकाळी ९.०० ते सायं. ५.०० या वेळेत तहसिल कार्यालय, कंधार येथे रक्तदान शिबिर आयोजित केले आहे. या कार्यक्रमाची माहिती उपसेवाकेंद्र संचालिका ब्रह्माकुमारी ज्योती दीदी यांनी दिली.
—
https://youtu.be/3D66DbAX8Sk?si=q7GLLgr1qTxmOJPI
About the Author
