लोहा ; प्रतिनिधी
श्री शिवाजी मोफत एज्युकेशन सोसायटी,कंधारचे संस्थापक व संचालक ज्येष्ठ स्वातंत्र्य सेनानी,माजी खासदार व आमदार आदरणीय भाई डॉ. केशवरावजी धोंडगे यांच्या संकल्पनेतून साकारलेली व संस्थेचे अध्यक्ष तथा माजी जि.प.सदस्य भाई प्रा.डॉ.पुरुषोत्तमरावजी धोंडगे यांच्या नेतृत्वाखाली संस्थेच्या परंपरेनुसार कंधार व लोहा तालुक्यातील हैद्राबाद मुक्ती लढ्यातील शूर हुतात्म्यांच्या पवित्र महातीर्थाची दर्शन रणयात्रा आयोजित करण्यात आली.
आज लोहा शहरात दि.13 सप्टेंबर 2025 रोजी सकाळी ठीक 9:00 वाजता श्री संत गाडगे महाराज प्राथमिक,माध्यमिक, उच्च माध्यमिक व वरिष्ठ महाविद्यालयाच्या प्रांगणातील हुतात्मा स्मारकाला विनम्र अभिवादन करून छत्रपती शिवाजी महाराज व संस्थेचे संस्थापक भाई डॉ. केशवरावजी धोंडगे साहेब यांना अभिवादन करून रणयात्रेचे जुना लोहा कडे प्रयाण झाले.
जुना लोहा येथील छत्रपती शिवाजी महाराजांच्या पुतळ्यास प्राचार्य डॉ. अशोकरावजी गवते ,ऍड. पी.व्ही. कुलकर्णी यांच्या हस्ते पुष्पमाला अर्पण करून रणयात्रा जुना लोहा येथील हुतात्म्यांच्या गढीच्या पावन भूमीत येऊन येथील हुतात्मे दिवंगत पंडितराव मक्तेदार व दिवंगत बळवंतराव मक्तेदार या थोर हुतात्म्यांना अभिवादन करून रणयात्रा जुना लोहा येथील दिवंगत स्वातंत्र्य सेनानी विश्वनाथरावजी महाबळे व दिवंगत स्वातंत्र्य सेनानी माधवरावजी महाबळे तसेच हरिहरराव महाबळे यांना अभिवादन करून रणयात्रा दिवंगत थोर स्वातंत्र्य सेनानी विठ्ठलरावजी पेनुरकर यांच्या निवासस्थानी येऊन त्यांच्या प्रतिमेस व त्यांच्या धर्मपत्नी दिवंगत श्रीमती कमलबाई विठ्ठलराव पेनुरकर यांच्या प्रतिमेला पुष्पमाला अर्पण करून अभिवादन करण्यात आले.
तसेच लोहा येथील तिसरे हुतात्मे लक्ष्मणराव नळगे साहेब यांच्या निवासस्थानी येऊन त्यांचे सुपुत्र दिवंगत स्वातंत्र्यसैनिक विठ्ठलराव नळगे यांच्या प्रतिमेस पुष्पमाला अर्पण करून या हुतात्म्यांना अभिवादन करण्यात आले. तसेच स्वातंत्र्य सैनिक दिवंगत दिगंबररावजी काप्रतवार यांच्या निवासस्थानी जाऊन अभिवादन करण्यात आले. सकाळी 11 वाजता रणयात्रा लोहा येथील छत्रपती शिवाजी महाराज चौकात येऊन डॉ. भाई केशवरावजी धोंडगे साहेबांच्या अथ्थक प्रयत्नातून साकार झालेल्या बळीराजा मार्केट यार्डातील छत्रपती शिवाजी महाराजांच्या भव्य अश्वारूढ स्मारकास पुष्पमाला अर्पण करून विनम्र अभिवादन करण्यात आले.
यावेळी प्राचार्य डॉ.अशोकरावजी गवते पाटील, महाविद्यालयाचे अध्यक्ष व्ही. जी. चव्हाण, मुख्याध्यापक सूर्यकांतराव लुंगारे, उपमुख्याध्यापक विवेकानंद घोरबांड, देविदास पा चव्हाण, चंदर पा. चव्हाण,बी. जे. पाटील,एम. व्ही. चव्हाण, डी.जे. वाघमारे ,अमोल ढगे,अशोक डुकरे, जी. डी. चव्हाण,अनिल लोखंडे आदिंची उपस्थिती होती.यानंतर रणयात्रा हुतात्मानगरी टेळकी, वडगाव तांडा, कापसी( बु.), उमरा, कौठा, मंगलसांगवी व बामणी पट्टीकडे रवाना झाली.
About the Author
